featured photo: Birat Post

भारतले नेपालसँग सीमा विवादबारे वार्ता नगर्ने भएको छ । यही हप्ता भारतका प्रधानमन्त्री नरेन्द्र मोदीले क्याबिनेट कमिटी अन सेक्युरिटी (सीसीएस) बैठक डाकी यस विषयमा समेत छलफल गरेका थिए । भारतबाट प्रशारण हुने ‘आजतक’ समाचार अनलाइनले जनाए अनुसार नेपालसँग सीमा विवादका विषयमा द्विपक्षीय वार्ताको अर्थ नरहेको र तत्काल वार्ता आबश्यक नरहेको निष्कर्ष निकाले छ । मोदीले उक्त बैठकमा नेपालले नयाँ नक्सा जारी गरेको र सोही नक्सालाई मान्यता दिन संविधानमा समेत संशोधन प्रक्रिया थालेको अवस्थामा थप वार्ता आबश्यक नरहेको धारणा राखेका छन् । यसका लागि नेपालले सीमा क्षेत्रमा गर्ने गतिविधि नियाल्ने र प्रतिक्रिया नजनाउने पक्षमा भारत रहेको छ ।