Birat Post बिहिबार, आषाढ ११, २०७७ मा प्रकाशित
विराटनगर,११ असार ।
सांसदहरुले बिरोध गर्ने शैलीमा नयाँपनको सिर्जना गर्न थालेका छन् । कसैले कुर्सी फ्यालेर,कसैले डाको छोडेर रोएर र कसैले मौन बसेर ,कसैले चर्का भाषण गरेर बिरोध गर्ने शैलीको बिकास भएको छ । यसखाले कुरालाई पनि मनोरन्जनका रुपमा रुचाइन थालेको छ ।
यस्तै विरोधका शैली प्रदेश १ को प्रदेश सभामा भएको छ ।
जति गुनासो गर्दा पनि सरकारले कुनै सुनुवाई नगरेपछि प्रदेश सांसद कला घलेले प्रदेशसभाको रोष्टममा कान थुनेर सरकारको ध्यानाकर्षण गराएकी छन् । बिहिबारको प्रदेशसभा वैठकको शुन्य समयमा वोल्दै सांसद घलेले प्रदेश सरकारले आफुले राखेका समस्या पटक्कै सुनुवाई नभएको भन्दै कान थुनेर समस्या राखेकी छन् ।
घलेले बारम्बार एउटै समस्या सरकारलाई राख्दा पनि कुनै सुनुवाई नभएपछि कान थुनेर संसदमा समस्या सुनाउनु परेको गुनासो गरिन् । ‘एउटै कुरा कतिचोटी सुनाउनु ’ घलेले भनिन्‘ सरकार कामकाजी हो वा नामकाजी हो बुझ्नै गाह्रो भयो ।’घलेले प्रदेशको बजेट विनियोजन न्यायोचित समेत नभएको गुनासो पनि गरिन् ।
मन्त्रीका निर्वाचन क्षेत्रमा हुलका हुल योजनामा बजेट विनियोजन गरिएको र सांसदका क्षेत्रमा फटफुट योजनामा मात्रै बजेट विनियोजन गरिएको घलेको गुनासो छ । सांसद हिमाल कार्कीले प्रदेश सरकारले बजेट विनियोजन गर्दा न्यायोचित रुपमा विनियोजन नगरेको आरोप लगाए । कार्कीले डाडुपन्यु आफ्नो हातमा भए पछि मनोमानि गर्ने प्रचलन प्रदेशमा देखिएको बताए ।
बिहीबारको शुन्य समयमा सांसद उत्तमकुमार बस्नेत, लोकप्रसाद संग्रौलालगायतले बोलेका थिए । बैठकमा भूमिकृषि तथा सहकारी राज्य मन्त्री रामबहादुर मगरले संसदले शुन्य समयमा उठाएका प्रश्नको जवाफ दिएका थिए ।
सांकेतिक भाषा दिवस तथा बहिरा सप्ताहमा विराटनगरमा निकालिएको जनचेतनामूलक र्याली (फोटो सहित )
विराटनगरमा सांकेतिक भाषा दिवस तथा अन्तराष्ट्रिय बहिरा सप्ताह मनाइदै, उपमेयर कार्कीले भनिन् “बौद्धिक अपाङताको क्षेत्रमा लगानी गर्छौ”
शिक्षक र सरकारबीच ७ बुँदे सहमति,आन्दोलन फिर्ता
विराटपोष्ट डिजिटल प्रा.लि.
विराटनगर – मोरङ ,नेपाल
कम्पनी दर्ता प्रमाणपत्र नं.:२२७८४३/०७६/०७७
स्थायी लेखा नं.:६०९६५५९५५
सूचना तथा प्रसारण विभाग दर्ता नं:१६६५/०७६/०७७
Email: [email protected]
