Birat Post सोमबार, आषाढ २२, २०७७ मा प्रकाशित

featured photo: Birat Post

 

विराटनगर २२ असार ।
रमाप्रसाद–मायादेवी रिजाल पत्रकारिता पुरस्कारले पत्रकार मीनकुमार नवोदित श्रेष्ठ पुरस्कृत भएका छन् । नेपाल प्रेस युनियनंद्वारा सोमबार विराटनगरमा आयोजित कार्यक्रममा पत्रकारिता र साहित्य क्षेत्रमा कलम चलाउँदै आएका श्रेष्ठलाई सम्मानसहित पुरस्कृत गरिएको हो । कार्यक्रममा पुरस्कार प्रतिष्ठानका संरक्षक सुवास रिजालले पुरस्कृत श्रेष्ठकै प्रेरणाबाट बुवा रमाप्रसाद रिजालले पुरस्कारको स्थापना गरेको बताए ।

यस पुरस्कारलाई निरन्तरता दिइने बताएका संरक्षक रिजालले आगामी वर्ष अक्षय कोषमा १ लाख रुपैयाँ थप गरि पुरस्कृत रकम समेत बढाउने घोषणा गरेका थिए । पुरस्कृत भएका श्रेष्ठले कोभिड १९ को महामारीसँगै लकडाउनकाबीच पुरस्कृत भएकोमा धन्यवाद व्यक्त गरेका थिए । पुरस्कृत श्रेष्ठ कारोबार दैनिक र मकालु टेलिभिजनमा कार्यरत रहेका छन् ।

स्वतन्त्र प्रजातन्त्र सेनानी रमाप्रसाद रिजाल १९८५ सालमा धनकुटामा जन्मिएका हुन् । साहित्य क्षेत्रमा समेत विशेष दखल राख्दै आएका रिजालको ‘ए चस्को दुखेको मुटु’ र ‘दुखेको वर्तमान’ नामक दुई वटा कविता संग्रह प्रकाशित छ । विराटनगर स्थायी बसोबास गर्दै आएका रिजाललाई २०७१ सालमा नेपाल प्रजातान्त्रिक सेनानी संघले महासेनानी सम्मानले सम्मानित गरेको छ । त्यसैगरि, २०७३ सालमा मनमोहन स्मृति प्रतिष्ठानले जेष्ठ नागरिक सम्मान गरेको थियो ।

कार्यक्रममा प्रदेश १ नेपाली कांग्रेस संसदीय दलका नेता राजीव कोइराला, प्रमुख सचेतक केदार कार्की, विराटनगर महानगरपालिकाका मेयर भीम पराजुली, नेपाल पत्रकार महासंघ प्रदेश १ का अध्यक्ष विक्रम लुइटेल, यूनियनका जिल्ला सभापति कुमार लुइटेल लगायतको उपस्थिति रहेको थियो । यसै पुरस्कारबाट पत्रकार अजित तिवारी, अभयकुमार राई, शंकर खरेल पुरस्कृत भइसकेका छन् ।

सम्बन्धित

ताजा अपडेट
विराटनगर इस्कोनमा महाविष्णु स्वामीमहाराजको प्रवचन, कुनैपनि ज्ञान पूर्वीय र पश्चिमा नहुने तर्क
जेठ १० गते प्रेस युनियन कोशीले दौड प्रतियोगिता आयोजना गर्ने
एकीकृत स्वास्थ्य शिविरमा ५ हजारभन्दा बढीले गरे स्वास्थ्य जाँच

लोकप्रिय

सम्पर्क

 

 

 

विराटपोष्ट डिजिटल प्रा.लि.

विराटनगर – मोरङ ,नेपाल

कम्पनी दर्ता प्रमाणपत्र नं.:२२७८४३/०७६/०७७
स्थायी लेखा नं.:६०९६५५९५५

सूचना तथा प्रसारण विभाग दर्ता नं:१६६५/०७६/०७७
Email: [email protected] 

सामाजिक संजाल

सञ्चालक तथा सम्पादक

कौशल निरौला

 सम्पादन मण्डल 

रोशिका अधिकारी

स्वस्तिका पाेखरेल

  निर्देशक

सुजन निरौला

काठमान्डौं व्यूरो
   सम्पादक
विनोद पोखरेल

बिज्ञापनका लागि :

विराटनगर : ९८१२३०६६६०/ ९८५२०८७८२०
काठमान्डौं : यादव पोखरेल –  ९८४२०५९१२९

[email protected]

विराटपोष्ट  डिजिटल प्रा.लि.

विराटनगर – मोरङ ,नेपाल