लोकेश पोख्रेल बुधबार, साउन १४, २०७७ मा प्रकाशित
विराटनगर १४ साउन /
ल्याब अभावमा पशुहरुमा लाग्ने रोगहरुको परिक्षण गर्न समस्या शुरु भएको छ । पछिल्लो समय पशुहरुमा नयाँ खालका भाइरल रोगहरु देखा पर्न थालेपछी पशुपन्छी रोग अन्वेषण प्रयोगशालाले थप काम गर्न नसकेको बताएको छ । विराटनगरको पशुपन्छी रोग अन्वेषण प्रयोगशालालाई कोरोना परिक्षण गर्ने स्थल बनाए संगै यसखाले समस्या सिर्जना भएको हो ।
विराटनगरमा रहेको पशुपन्छी रोग अन्वेषण प्रयोगशाला प्रदेश १ कै अत्याधुनिक प्रयोगशाला हो । यही प्रयोगशालामा सामाजिक विकास मन्त्रालयले प्रादेशिक जनस्वास्थ्य प्रयोगशाला (पिसिआर परिक्षण प्रयोगशाला) सञ्चालन गरेको छ । पशुहरुमा लाग्ने र पशुहरुकै माध्यमबाट मानिसमा समेत सर्न सक्ने रोगहरुको परिक्षण प्रभावित बनेको छ । हालैमात्र प्रदेश १ का विभिन्न जिल्लामा नयाँ खालको भाइरसले पशुहरु बिरामी हुने र मर्ने क्रम बढेको छ ।
पशुहरुमा लागेका सबैखाले रोग र भाइरलजन्य परिक्षणमा समस्या सिर्जना भएको पशुपन्छी रोग अन्वेषण प्रयोगशाला विराटनगरका प्रमुख डा. सन्जय कुमार यादवले पुष्टि गरे । प्रदेश १ का विभिन्न स्थानमा पशुहरुमा हालै मात्र नयाँ खालको रोग देखा परिरहेको र ल्याब टेष्ट गर्न नसकेको स्विकार गरे । पशुहरुको ल्याब परिक्षण गर्ने स्थानमा कोरोना परिक्षण गर्ने स्थान बनाइदा समस्या भएको छ । हामीहरु चाहन्छौ सम्बन्धित निकायले प्रादेशिक जनस्वास्थ्य प्रयोगशाला (पिसिआर परिक्षण प्रयोगशाला) आफ्नै बनाओस् । प्रमुख यादवले भने “कोरोना जस्तै अन्य धेरै भाइरसहरु पशुबाट सर्ने कुरा छदै छ अर्को तर्फ ठूलो परिणाममा पशुव्यवसायी कृषकहरु मारमा पर्न थालेका छन् ।” पशुहरुमा लागेको भाइरल रोग निदानमा तत्काल संवेदनशिल नहुने हो भने ठूलो धनजनको क्षति हुन सक्छ । ल्याब अभावमा रोग पहिचान गर्न समेत कठिनाइ भइरहेको प्रमुख यादवको भनाइ छ ।
पशुहरुमा यस्तै समस्या आइरहे पिसिआर परिक्षण प्रयोगशाला सार्न जरुरी हुन्छ । प्रमुख यादवले भने “यही साउन २२ गते सम्म मात्रै सञ्चालन गर्न दिन्छौ , नभए हामीलाई नयाँ ब्यवस्था सहित अत्याधुनिक ल्याब बनाइदिनु पर्छ । कृषकहरुको समस्या समाधान गर्ने दायीत्व हामी सबैको हो । यसमा चुक्यौ भने ठूलो क्षति बेहोर्नु पर्दछ । पशुपन्छी बाट मानिसमा सर्ने रोगहरु वातावरणमा नफैलियोस भन्ने उदेश्यले स्थापना गरेको उक्त अत्याधुनिक ल्याबमा प्रादेशिक जनस्वास्थ्य प्रयोगशाला (पिसिआर परिक्षण प्रयोगशाला) सञ्चालन हुदा थप समस्या सिर्जना भएको छ ।
गाइहरुमा देखिएको नयाँ रोग :
सांकेतिक भाषा दिवस तथा बहिरा सप्ताहमा विराटनगरमा निकालिएको जनचेतनामूलक र्याली (फोटो सहित )
विराटनगरमा सांकेतिक भाषा दिवस तथा अन्तराष्ट्रिय बहिरा सप्ताह मनाइदै, उपमेयर कार्कीले भनिन् “बौद्धिक अपाङताको क्षेत्रमा लगानी गर्छौ”
शिक्षक र सरकारबीच ७ बुँदे सहमति,आन्दोलन फिर्ता
विराटपोष्ट डिजिटल प्रा.लि.
विराटनगर – मोरङ ,नेपाल
कम्पनी दर्ता प्रमाणपत्र नं.:२२७८४३/०७६/०७७
स्थायी लेखा नं.:६०९६५५९५५
सूचना तथा प्रसारण विभाग दर्ता नं:१६६५/०७६/०७७
Email: [email protected]
