featured photo: Birat Post

विराटनगर ६ भदौ ।
कोरोना संक्रमितहरुको ब्यवस्थापनमा समस्या आइरहेका बेला विराटनगरमा होटल आइसोलेसनको कन्सेप्ट अगाडी सारिएको छ । यसका लागि विराटनगर स्थित एरपोर्ट लाइनमा रहेको होटल एसियाटिक र विराटनगर महानगर बीच सहकार्य भएको छ । शनिवार मेयर भीम पराजुली र होटल सञ्चालक पुन्य भट्टराई तथा विराटनगर महानगरका स्वास्थ्य महाशाखा प्रमुम रमेश कार्की,स्वास्थ्य निरिक्षक हैदर अली सहितको टोलीले होटलमा आइसोलेसन चलाउने बिषयमा छलफल गरेको थियो ।

होटलमा आइसोलेसन बनाउने र त्यसका लागि आबश्यक स्वास्थ्य प्रबन्ध विराटनगर महानगरले मिलाउने संझौता भएको होटल सञ्चालक भट्टराइले जानकारी दिए । संक्रमित ब्याक्तिहरुले होटलमा सहजरुपमा बस्न पाउनेछन् । जसका लागी ६५ बेडको ब्यवस्थापन गरिएको छ । कम भन्दा कम पैसामा सेवा प्रबाह गर्न सकिन्छ भन्ने उदेश्यका साथ सेवा सुरु गरिएको भट्टराइको भनाइ छ । यसका अलाबा विराटनगर महानगरले स्वास्थ्य सेवा सहित संक्रमितहरुलाई परामर्श दिने छ भने आबश्यक परे अस्पताल सम्म पुर्याउने सवैखालका व्यवस्थापन महानगरले गर्ने भएको छ ।