रोशिका अधिकारी शनिबार, भाद्र ०६, २०७७ मा प्रकाशित
विराटनगर ६ भदौ ।
विराट मेडिकल कलेज टिचिङ अस्पताल र न्यूरो अस्पताल विराटनगरले कोरोना संक्रमितको उपचार गर्ने भएका छन् । यसका लागि सम्पूर्ण तयारी पुरा भएको दुवै अस्पतालले जनाएका छन् । यसै विषयमा विराटनगर महानगरका मेयर भीम पराजुलीले अस्पतालले दिने सेवा प्रवाहमा विराटनगर महानगरको समेत पूर्ण सहयोग रहने बताएका छन् ।
दुवै अस्पतालले दिने सेवा प्रबाहका विषयमा स्थलगत अवलोकन समेत गरेका पराजुलीले कोरोना संक्रमण निरुपणमा कटिबद्ध भएर मुकाबिला गर्ने बेला आएको बताए । महानगरको दुवै अस्पताललाई सहयोग रहने आश्वासन समेत पराजुलीले दिएका छन् ।
विराट मेडिकल कलेज टिचिङ अस्पतालका व्यवस्थापक डेनिस कार्कीले एक हप्ता भित्र पिसिआर परिक्षण सुरुवात गर्ने जानकारी दिए । कोरोना संक्रमितको उपचारका लागि ६० बेडको आइसोलेशन शुचारु गरिएको बताए । अस्पतालले दैनिक ३ हजार बेडचार्ज राखेको छ भने डिलक्सरुमको ५ हजार सम्म लिने बताएको छ । हाल १३ जना कोरोना संक्रमित उपचार गरिरहेको कार्कीले जानकारी दिए ।
यस्तै न्यूरो अस्पतालले विराटनगर स्थित महेन्द्र चोक छेउमा ४० बेडको आइसोलेशन तयार गरेको छ । अस्पतालले ४ हजार देखि ५ हजार सम्मको बेडचार्ज राखेको छ । आउने सोमवार बाट सेवा प्रवाह गर्ने तयारीमा रहेको अस्पतालका ब्यवस्थापक राजेश भट्टराइले जानकारी दिए ।यी दुवै अस्पतालले लेवल टु सम्मको उपचार गर्ने जनाइएको छ ।
असोज १ गते शोक बिदा दिने सरकारकाे निर्णय
जेनजी आन्दोलनका शहीद परिवारलाई सरकारले १५ लाख दिने
सामाजिक सञ्जाल बन्द गर्ने सरकारको निर्णयविरुद्ध सर्वोच्चमा रिट
विराटपोष्ट डिजिटल प्रा.लि.
विराटनगर – मोरङ ,नेपाल
कम्पनी दर्ता प्रमाणपत्र नं.:२२७८४३/०७६/०७७
स्थायी लेखा नं.:६०९६५५९५५
सूचना तथा प्रसारण विभाग दर्ता नं:१६६५/०७६/०७७
Email: [email protected]
