इटहरी ९ भदौ ।
इटहरीमा पत्रकारका लागि ‘फुड बैंक’ अभियान थालिएको छ । नेपाल प्रेस युनियन सुनसरीले ‘फुड बैंक’ अभियानको योजना ल्याएको हो ।

कोरोना महामारीको बेला विभिन्न सञ्चारमाध्यमहरुले श्रमजीवी पत्रकारलाई निष्कासन गर्ने, दबाबपूर्ण बिदामा राख्ने, तलब–भत्ता कटौती गर्ने, नियमित पारिश्रमिक नदिनेसँगै कतिपय सञ्चारगृह बन्द भएका र केही आंशिकरुपमा सञ्चालन भएको भन्दै यो अभियान ल्याइएको प्रेस युनियन सुनसरी जिल्ला अध्यक्ष पवन अधिकारीले जानकारी दिए ।

पत्रकारकै मात्र कमाइबाट धानिएको धेरैको परिवारलाईं समस्या भएपछि थोरै भए पनि राहत होस् भनेर यो योजना ल्याइएको अधिकारीले बताए ।

फुड बैंक अभियान सञ्चालन एवम् व्यवस्थापन गर्नका लागि जिल्लाका अग्रज पत्रकार एवम् प्रेस युनियनका पूर्वअध्यक्ष कृष्ण अधिकारीको नेतृत्वमा पाँच सदस्यीय समिति समेत तयार गरिएको छ ।

सम्बन्धित

सामाजिक सञ्जाल बन्द गर्ने सरकारको निर्णयविरुद्ध सर्वोच्चमा रिट

झुम्का कारागारमा सयभन्दा बढी कैदी बिरामी,पछिल्लो १२ दिनदेखि देखियो स्वास्थ्य समस्या

दर्ता नभएका २६ सामाजिक सञ्जाल निष्क्रिय पार्न इन्टरनेट सेवा प्रदायकलाई प्राधिकरणको पत्र

सामाजिक सञ्जाल बन्द गर्ने सरकारको निर्णय आपत्तिजनक : डा.शेखर कोइराला