लगानी सम्मेलन
Birat Post मंगलबार, भाद्र ०९, २०७७ मा प्रकाशित
विराटनगर ९ भदौ ।
सामाजिक संस्था रोटरी क्लबले विराटनगर महानगरपालिकालाई पीसीआर मेसिन उपलब्ध गराउने भएको छ । पिसिआर मेशिन, आरएनए एक्सट्राक मेसिन , अक्सिजन सिलिन्डर बैङक स्थापनाका लागि रोटरी क्लब अफ विराटनगर, रोटरी क्लब अफ डाउन टाउन र रोटरी क्लब अफ विराटनगर फ्युजनले सम्युक्तरुपमा पहल गरेका थिए । रोटरी फाउण्डेसनको कोभिड ग्लोबल ग्य्राण्ट मार्फत अनुदानमा ती सामाग्री उपलब्ध गराउन लागिएको बताईएको छ । यसै विषयमा रोटरी क्लव र विराटनगर महानगरबीच विभिन्न चरणमा छलफल भए संगै यसको वितरण कार्यको निष्कर्ष निस्किएको थियो ।
आइतवार यसै विषयमा रोटरीक्लव ,प्रदेश १ सरकार,विराटनगर महानगरपालिका र वीपी कोइराला स्वास्थ्य बिज्ञान प्रतिष्ठान बीच संझौता समेत भएको छ । सम्झौता पत्रमा रोटरी क्लब अफ विराटनगरका अध्यक्ष बिजुकुमार थपलिया, डाउन टाउनका अध्यक्ष दिप्तिदेवी अग्रवाल र विराटनगर फ्युजनका अध्यक्ष सृजा विहानी कावरा साथै प्रदेश १ का सामाजिक विकास मन्त्री जीवन घिमिरे, विराटनगर महानगरपालिकाका मेयर भीम पराजुली, वीपी कोइराला स्वास्थ्य बिज्ञान प्रतिष्ठानका उपकुलपति डा.ज्ञानेन्द्र गिरी बीच सम्झौता पत्रमा हस्ताक्षर भएको छ ।
विराटनगरका मानिसहरुको परिक्षणमा विशेष सघाउ पुर्याउने उदेश्यका साथ प्रदान गरिने पीसीआर मेसिनको ब्यवस्थापन र सञ्चालन वीपी कोइराला स्वास्थ्य बिज्ञान प्रतिष्ठानले गर्नेछ । यस्तै संझौता अनुसार विराटनगर महानगरपालिकाले सिफारिश गरेका २५० वटा परिक्षण समेत गरिनुपर्ने छ । क्लवले ३ हजार टेष्ट गर्न चाहिने रिऐजन्ट समेत उपलब्ध गराउने बताएको छ ।
यसैगरी होम आइसोलेसन वा सरकारी आइसोलेसनमा बसेका कोरोना संक्रमितका लागि विराटनगर महानगरपालिकामा अक्सिजन बैङ्क स्थापना हुने भएको छ । जसमा क्लबले ३० वटा अक्सिजन सिलिण्डर महानगरपालिकालाई उपलब्ध गराउने सम्झौता भएको छ । प्रदेश १ सरकारले स्थापना गरेको कोशी कोभिड अस्पताल विराटनगरका लागि समेत एक – एक थान भ्यान्टलेर र इन्सिनेरेटर समेत उपलब्ध गराउने सम्झौता भएको रोटरी क्लब अफ विराटनगरका सर्भिस डाइरेक्टर मनोजबिक्रम शाहले कार्यक्रममा जानकारी दिए ।
नेपाल भित्रिए एक लाख १६ हजार विदेशी पर्यटक, कुन देशका धेरै ?
षष्टिका वस्नेत सूचनाकाे अधिकार र प्राेत्साहन पुरस्कार बुढाथाेकी र भण्डारीलाई
आज प्रेस स्वतन्त्रता दिवस
विराटपोष्ट डिजिटल प्रा.लि.
विराटनगर – मोरङ ,नेपाल
कम्पनी दर्ता प्रमाणपत्र नं.:२२७८४३/०७६/०७७
स्थायी लेखा नं.:६०९६५५९५५
सूचना तथा प्रसारण विभाग दर्ता नं:१६६५/०७६/०७७
Email: [email protected]
