Birat Post सोमबार, भाद्र २२, २०७७ मा प्रकाशित
विराटनगर २२ भदौ ।
केहि परिवर्तनसहित मोरङमा थप एक साता निषेधाज्ञालाई यथावत् राखिने भएको छ । सोमबारबाट लागू हुनेगरी जिल्लाभरि २८ भदौसम्म निषेधाज्ञा थप गरिएको हो । निषेधाज्ञा यथावत् राख्दै साँझ ७ बजेसम्मका लागि व्यापार व्यवसाय सञ्चालन गर्न दिइने निर्णय गरीएको छ ।
जिल्ला प्रशासन कार्यालयले जारी गरेको निषेधाज्ञा दिनभरका लागि खुकुलो पारिएको हो । राती ९ बजेदेखि बिहान ५ बजेसम्मलाई हिँडडुलमा भने प्रतिबन्ध नै रहने छ । स्थानीय प्रशासन ऐन २०२८ दफा ६ (३) अनुसार सैलुन, ब्यूटीपार्लर, गुद्री बजार, हटिया, सिनेमाहल, जिमखाना, कवर्ड हल बाहेक अन्य उद्योग, व्यवसाय तथा व्यापार साँझ ७ बजेसम्म खुल्ला गर्ने निर्णय गरिएको हो ।
सिटी रिक्सा सञ्चालनमा भने जोर बिजोर प्रणाली यथावत् राखिएको छ । दुईजनासम्म मात्र यात्रु राखेर सुरक्षा मापदण्ड अपनाउँदै सिटी रिक्साहरु सञ्चालन गर्न पाइने छ । निजि सवारी सञ्चालनमा भने जोर बिजोर प्रणाली हटेको छ । उद्योग, व्यापार र व्यवसाय सञ्चालनमा भने स्वास्थ्य मापदण्डलाई अनिवार्य पालन गर्नुपर्ने भएको छ ।
सामाजिक सञ्जाल बन्द गर्ने सरकारको निर्णयविरुद्ध सर्वोच्चमा रिट
झुम्का कारागारमा सयभन्दा बढी कैदी बिरामी,पछिल्लो १२ दिनदेखि देखियो स्वास्थ्य समस्या
दर्ता नभएका २६ सामाजिक सञ्जाल निष्क्रिय पार्न इन्टरनेट सेवा प्रदायकलाई प्राधिकरणको पत्र
विराटपोष्ट डिजिटल प्रा.लि.
विराटनगर – मोरङ ,नेपाल
कम्पनी दर्ता प्रमाणपत्र नं.:२२७८४३/०७६/०७७
स्थायी लेखा नं.:६०९६५५९५५
सूचना तथा प्रसारण विभाग दर्ता नं:१६६५/०७६/०७७
Email: [email protected]
