featured photo: Birat Post

काठमाडौं २३ भदौ ।

नक्कली परिचयपत्रको प्रयोग र पत्रकार नै नभएको व्यक्तिले ‘प्रेस’ लेखिएको ज्याकेट लगाएर पत्रकारिताको दुरुपयोग गरेको पाइएको छ । निषेधाज्ञाको अवस्थामा पनि पत्रकारलाई समाचार संकलनका लागि दिइएको छुटको दुरुपयोग गर्दै नक्कली पत्रकार बन्नेहरू बढिरहेका छन् ।

यस्तो गलत कार्य बढेसँगै नियन्त्रणका लागि प्रहरीले उच्च निगरानी थालेको छ । यस किसिमको कार्यले वास्तविक प्रत्रकार प्रभावित बनेका छन् । पत्रकारप्रति हेर्ने दृष्टिकोण नै परिवर्तन हुने भन्दै पत्रकार महासंघले त्यस्ता गतिविधि रोक्न सरकारसँग अनुरोधसमेत गरेको छ ।

यो अवस्थाले वास्तविक पत्रकार समस्यामा परेको हुँदा पत्रकारिताको दुरुपयोग नियन्त्रण गर्न प्रहरीले निगरानी बढाएको महानगरीय अपराध नियन्त्रण महाशाखाले जनाएको छ । यसको निगरानी देशभर गर्नुपर्ने आबश्यकता रहेको पत्रकारहरुले समेत माग गर्दै आएका छन् ।