रोशिका अधिकारी मंगलबार, भाद्र २३, २०७७ मा प्रकाशित
विराटनगर २३ भदौ ।
मोरङका प्रमुख जिल्ला अधिकारी कोशहरि निरौला आन्तरिक प्रशासन सुधारमा लागेका छन् । प्रशासन मार्फत प्रदान गरिने सेवा ,कर्मचारीको अवस्था र सेवाग्राहीहरुको काम सहजरुपमा भए नभएको विषयमा उनी चिन्तित देखिन्छन् । मंगलवार हाम्रो टिम प्रशासन प्रांगणमा पुग्दा उनी आफ्नै कार्यालयको निरीक्षणमा जुटिरहेका भेटिए ।
कर्मचारीहरुले गरिरहेका कामको निरीक्षण ,सेवाग्राही बस्ने स्थल,कार्यालयका कोठाभित्र विजुली बत्तिको ब्यवस्थापन,शौचालय र सेवा लिन आएकाहरु संगको भलाकुसारी हेर्न लायक देखिन्थ्यो । यस संगै प्रमुख जिल्ला अधिकारी निरौलाले सेवाग्राही जनताले हेर्न मिल्ने गरि नागरिक बडापत्र र सुझाव पेटिका राख्न कर्मचारीलाई निर्देशन दिएका थिए । मेटिन थालेको नागरिक बडापत्र र कुनामा राखिएको सुझाव पेटिका अवसुधारिनेछन् ।
भवनमा लागेको माकुराको जालो र अब्यवस्थितरुपमा राखिएका कागजपत्र समेत व्यवस्थित बनाउन उनले कर्मचारीलाई निर्देशन दिए । जिल्ला प्रशासन मातहतमा रहेका मोरङ जिल्लाका सवै कार्यलयको सुन्दरता , सेवा व्यवस्थापन र जिल्लाबासीको सुरक्षाका विषयमा योजना सहित काम गरिरहेको प्रमुख जिल्ला अधिकारी निरौलाले बताए । कोरोना संक्रमण बढिरहेको यस जटिल परिस्थितीमा सवैले सहयोगी भावनाका साथ सतर्कता र संयमता अपनाउन समेत उनले अपिल गरे ।
रौतहटमा स्कारपियो दुर्घटना हुँदा ८ जनाको मृत्यु, पाँच जना घाइते
सहकारी ठगीमा रवि र छविलाई वीरगञ्जमा बयान लिइँदै
देशभर पश्चिमी वायुको प्रभाव, तराई तथा उपत्यकामा हुस्सु
विराटपोष्ट डिजिटल प्रा.लि.
विराटनगर – मोरङ ,नेपाल
कम्पनी दर्ता प्रमाणपत्र नं.:२२७८४३/०७६/०७७
स्थायी लेखा नं.:६०९६५५९५५
सूचना तथा प्रसारण विभाग दर्ता नं:१६६५/०७६/०७७
Email: [email protected]
