Birat Post सोमबार, भाद्र २९, २०७७ मा प्रकाशित
विराटनगर २९ भदौ ।
विराटनगर महानगरका केही कर्मचारी तथा जनप्रतिनिधिहरुमा कोरोना संक्रमण भएपछि विराटनगर महानगरपालिका मेयर भीम पराजुली सेल्फ क्वारेन्टिनमा बसेका छन् । महानगरका प्रमुख प्रशासकीय अधिकृत इन्द्रमणि पोखरेललाई आइतबार कोरोना पुष्टि भएको छ भने मेयर पराजुलीका चालकलाई समेत कोरोना संक्रमण पुष्टि भए संगै उनले स्वाब दिएका थिए । उनको रिपोर्ट नेगेटिभ आएको छ । आफु नजिकका केहीलाई कोरोना संक्रमण भए संगै आफु सेल्फ क्वारेन्टाइनमा बसेको मेयर पराजुलीले बताएका छन् । झ्यालि समयमा पर्न सक्ने र थप परिक्षण गर्नुपर्ने स्वास्थ्यकर्मीले औल्याएपछि पराजुली क्वारिन्टिन बसेका हुन् ।
उनी केही स्वास्थ्यकर्मी तथा निजी सचिवालयका पदाधिकारीका साथ जैन भवनको क्वारेन्टिनमा बसेका छन् । कोभिड १९ को संक्रमण विराटनगरमा बढ्दै गर्दा महानगरले विराटनगरका विभिन्न धार्मिक धर्मशाला तथा अतिथिगृहमा क्वारिन्टिन ब्यवस्थापन गरेको थियो । कोरोना संक्रमण भए वा शंका लागेर बस्नु परे आफैले बनाएको क्वारिन्टिनमा बस्ने बताउदै आएका पराजुली जैन भवनमा बसेका छन् । होटलमा बस्ने कुरा आए पनि मेयर पराजुली बस्न मान्नु भएन उनका स्वकिय सचिव लोकेन्द्र तिम्सिनाले भने । हामी स्वास्थ्य कर्मी ,नगर प्रहरी लगायत केही ब्यक्तिहरुमा थप आशंका भएका कारण बसेका छौ । थप परिक्षण पछि घर फर्कन्छौ तिम्सिनाले भने ।
प्रमुख प्रशासकीय अधिकृत पोखरेल लगायत केही कर्मचारीमा कोरोना पुष्टि भएपछि महानगरले सोमबारदेखि अत्यावश्यकबाहेकका सेवा पाँच दिनका लागि बन्द गर्ने निर्णय गरेको छ । विराटनगर वडा २ का वडाध्यक्ष कुमार पोखरेल र ५ का वडाध्यक्ष मीन आचार्यमा समेत कोरोना पुष्टि भएको छ । बाँकी वडा कार्यालयहरुमा पनि पाँच दिनसम्मका लागि महानगरले अति आवश्यकबाहेक सेवा बन्द गर्ने निर्णय गरेको मेयर पराजुलीले जानकारी दिए ।
सामाजिक सञ्जाल बन्द गर्ने सरकारको निर्णयविरुद्ध सर्वोच्चमा रिट
झुम्का कारागारमा सयभन्दा बढी कैदी बिरामी,पछिल्लो १२ दिनदेखि देखियो स्वास्थ्य समस्या
दर्ता नभएका २६ सामाजिक सञ्जाल निष्क्रिय पार्न इन्टरनेट सेवा प्रदायकलाई प्राधिकरणको पत्र
विराटपोष्ट डिजिटल प्रा.लि.
विराटनगर – मोरङ ,नेपाल
कम्पनी दर्ता प्रमाणपत्र नं.:२२७८४३/०७६/०७७
स्थायी लेखा नं.:६०९६५५९५५
सूचना तथा प्रसारण विभाग दर्ता नं:१६६५/०७६/०७७
Email: [email protected]
