लोकेश पोख्रेल शुक्रबार, आश्विन ०२, २०७७ मा प्रकाशित

featured photo: Birat Post

विराटनगर २ असोज ।
विराटनगर महानगरमा मोबाइल पीसीआर टेस्टिङ हुने भएको छ । स्थानीय स्रोतसाधन बाट अत्याधुनिक र सुविधासम्पन्न मोबाइल स्वाब भेन निर्माण गरी यो सेवा प्रवाह गर्न लागिएको हो । विराटनगर महानगरपालिका र रोटरी क्लब अफ विराटनगरको संयुक्त प्रयासमा स्वाब भेन निर्माण भएको हो ।

नेपालकै पहिलो गाडी उत्पादन कर्ता हुलास कम्पनीले ४ लाख लागतमा मोबाइल स्वाब भेनको निर्माण गरेको छ । भेनमा सेन्सर सेनिटाइजर ,भित्रैबाट बाहिर निर्देशन दिन सकिने र वातानुकुलित व्यवस्था मिलाइएको छ । पीसीआर र आरडीटी गर्न अत्यन्त सहज हुने बताइएको छ ।

रोटरी क्लब अफ विराटनगरले जिम्मेवारी लिएर बनाएको उक्त मोबाइल स्वाब भेनको साँचो शुक्रबार विराटनगर महानगरका मेयर भीम पराजुलीलाई हस्तान्तरण गरेको थियो । स्वाब भेनको साँचो बुझ्दै मेयर पराजुलीले मोबाइल स्वाब भेनबाट विराटनगरका वृद्ध ,बालबालिका,अपाङ्ग तथा सुत्केरीहरुलाई सेवा दिइने उद्घोष गरेका छन् । उनले शनिबारबाटै विराटनगरमा सेवा प्रवाह गर्न मातहतका शाखालाई निर्देशन दिएका छन् ।

मोबाइल स्वाब भेन आए संगै सेवा लिन नसक्ने वर्ग लाभान्वित हुने स्वास्थ्य महाशाखा प्रमुख रमेश कार्कीले बताए । उनले सेवा प्रवाहमा कुनै कसर बाँकी नराखिने बताएका छन् । यो भेन निर्माणका क्रममा विराटनगर महानगरका सामुदायिक विकास महाशाखा प्रमुख पुनम दाहाल, डा.प्रज्वल खतिवडाले प्राविधिक पाटोमा सहयोग गरेका थिए ।

कार्यक्रममा रोटरी क्लव अफ विराटनगरका अध्यक्ष डा बिजु थपलिया,रोटरियन सुरेन्द्र गोल्छा,मनोज बिक्रम शाह, हिमालय मानन्धर ,वडा नं १ का वडाध्यक्ष उद्धव अर्याल ,वडा नं ७ का वडाध्यक्ष मधु तिवारी लगायतको उपस्थिती रहेको थियो ।

 

 

सम्बन्धित

ताजा अपडेट
बारा निजगढ वर्कसप बिस्फोट: बिस्फोटक पदार्थ भएको आशंका
स्काउटको सह–प्रमुख आयुक्तमा किरण गिरी नियुक्त
नेपाली भजन शिरोमणि भक्तराज आचार्य र भारतीय गजल गायक पंकज उदासको निधन

लोकप्रिय

सम्पर्क

 

 

 

विराटपोष्ट डिजिटल प्रा.लि.

विराटनगर – मोरङ ,नेपाल

कम्पनी दर्ता प्रमाणपत्र नं.:२२७८४३/०७६/०७७
स्थायी लेखा नं.:६०९६५५९५५

सूचना तथा प्रसारण विभाग दर्ता नं:१६६५/०७६/०७७
Email: [email protected] 

सामाजिक संजाल

सञ्चालक तथा सम्पादक

कौशल निरौला

 सम्पादन मण्डल 

रोशिका अधिकारी

स्वस्तिका पाेखरेल

  निर्देशक

सुजन निरौला

काठमान्डौं व्यूरो
   सम्पादक
विनोद पोखरेल

बिज्ञापनका लागि :

विराटनगर : ९८१२३०६६६०
काठमान्डौं : यादव पोखरेल –  ९८४२०५९१२९

[email protected]

विराटपोष्ट  डिजिटल प्रा.लि.

विराटनगर – मोरङ ,नेपाल