Birat Post आइतबार, आश्विन ०४, २०७७ मा प्रकाशित
विराटनगर ४ असोज ।
पूर्वाञ्चल मोरङ बाल सुधार गृहमा रहेकाहरुलाई एडभोकेसी फोरम नेपाल प्रदेश १ कार्यालयले कोभिड १९ नियन्त्रण संग सम्बन्धित अत्यावश्यक सामाग्री प्रदान गरेको छ । बाल सुधार गृहमा बस्दै आएका १ सय ५७ जना बालकहरुलाई सेनेटाइजर,मास्क,साबुन,ब्याग,तौलिया ,खानेपानीको बोतल प्रदान गरिएको छ । यस संगै सुधारगृहका लागि वाटर डिस्पेन्सर ,पानीटंकी र पानीटंकी अड्याउन सकिने स्टेन्ड समेत प्रदान गरिएको छ ।
आइतबार आयोजित कार्यक्रममा एडभोकेसी फोरम नेपाल प्रदेश नं १ संयोजक रुक्मिणा दाहाल भट्टराईले वडा नंं ३ का वडाध्यक्ष बिनोद बस्नेत मार्फत ती सामाग्री हस्तान्तरण गरेकी थिइन् । कार्यक्रममा बोल्दै संयोजक दाहालले सामाजिक उत्तरदायित्व बोध गर्दै सुधारगृहमा सहयोग गरेको बताइन् । यस्तै वडाध्यक्ष बिनोद बस्नेतले बाल सुधारगृहको व्यवथापन सहितका विभिन्न सहयोगका कार्यक्रम ल्याउन आवश्यक रहेको बताए । ठूलो जनशक्ति सुधारगृहमा रहेपनि उनिहरुलाई राज्यले उचित व्यवस्थापन र सहयोग गर्न नसकेकोमा दुखेसो व्यक्त गरे । कार्यक्रममा विराटनगर महानगरपालिकाका सामाजिक विकास महाशाखा प्रमुख सरोज गौतम ,जनस्वास्थ्य अधिकृत दीपक भट्टराई , सुधारगृहका प्रमुख मिलन चौहान,लगायतको सहभागिता रहेको थियो ।
वर्तमान सरकारले समीक्षा गर्ने कामै गरेको छैन : नारायणकाजी श्रेष्ठ
विराटनगर महानगरद्वारा निःशुल्क अटिज्म सेवा केन्द्र सञ्चालन
विराटनगर महानगरद्वारा जडान गरिएको ट्राफिक लाइटको परीक्षण सुरु
विराटपोष्ट डिजिटल प्रा.लि.
विराटनगर – मोरङ ,नेपाल
कम्पनी दर्ता प्रमाणपत्र नं.:२२७८४३/०७६/०७७
स्थायी लेखा नं.:६०९६५५९५५
सूचना तथा प्रसारण विभाग दर्ता नं:१६६५/०७६/०७७
Email: [email protected]
