रोशिका अधिकारी मंगलबार, आश्विन ०६, २०७७ मा प्रकाशित
विराटनगर ६ असोज ।
सडक ,पेटीमा कारोबार गर्ने र छाडा चौपाया छोड्नेहरुका लागि विराटनगर महानगरपालिका कठोर बन्ने भएको छ ।
सडकपेटीमा ग्यारेजका काम गर्ने,सडकपेटी मिचेर पसल व्यवसाय खोल्ने ,कवाडीका सामान सडकमै राख्ने र छाडा चौपाया छोड्नेहरुलाई कारबाही गर्ने सम्मका कार्यक्रम महानगरले ल्याएको छ ।
विराटनगर महानगरका नगरप्रहरी निरिक्षक राजन पौडेलले विराटनगरका सुन्दर सडक पेटीमा भइरहेका असभ्य देखिने सबैखाले कुराको नियमन थालिएको बताए । उनले सडकपेटीमा ग्यारेजका कामहरु गर्ने,सडकपेटी मिचेर पसल व्यवसाय खोल्ने ,कवाडीका सामान सडकमै राख्ने र छाडा चौपाया छोड्नेहरुलाई हदै सम्मको कारबाही गरिने बताए ।
पटक पटक सूचना प्रवाह गर्दा समेत अटेर गर्ने काम भइरहेको भन्दै उनले जरिवाना गर्ने र उल्लंघन गरिरहेको थप विवरण भेटिए थप जरिवाना सहित कारबाही गर्ने योजनाका साथ नगरप्रहरीले काम गरिरहेको जानकारी दिए । एक पटक जरिवाना गरि छाडिएको चौपाया पुन छाडा छोडिए महानगरले लिलामी गर्ने बताए । कोरोना भाइरस (कोभिड—१९) को जोखिम न्यूनीकरणका लागि आइसोलेसन र क्वारेन्टाइनमा खटिएर वाह वाही पाएको नगर प्रहरी सडक सौन्दर्यीकरणमा समेत जुटेको छ ।
वर्तमान सरकारले समीक्षा गर्ने कामै गरेको छैन : नारायणकाजी श्रेष्ठ
विराटनगर महानगरद्वारा निःशुल्क अटिज्म सेवा केन्द्र सञ्चालन
विराटनगर महानगरद्वारा जडान गरिएको ट्राफिक लाइटको परीक्षण सुरु
विराटपोष्ट डिजिटल प्रा.लि.
विराटनगर – मोरङ ,नेपाल
कम्पनी दर्ता प्रमाणपत्र नं.:२२७८४३/०७६/०७७
स्थायी लेखा नं.:६०९६५५९५५
सूचना तथा प्रसारण विभाग दर्ता नं:१६६५/०७६/०७७
Email: [email protected]
