featured photo: Birat Post

एजेन्सी/
फिनल्याण्डमा १६ वर्षीया किशोरी एक दिनका लागि प्रधानमन्त्री बनेकी छिन् । निवर्तमान प्रधानमन्त्री सन्ना मरिनले एक दिनका लागि उनलाई प्रधानमन्त्रीका रुपमा नियुक्त गरेकी छन् । उनले लैङ्गिक भिन्नता अन्त्यको निम्ति लड्न थप कदम उठाउँदै १६ वर्षीया किशोरीलाई आफ्नो कुर्सी एक दिनको निम्ति हस्तान्तरण गरेकी हुन् ।

फिनल्यान्डले प्लान इन्टरनेशनलको ‘गर्ल्स टेकओभर’ अर्थात् युवतीको  सत्तारोहणमा सहभागी भएको यो चौथो  वर्ष हो । यस अभियानमा संसारभरिका देशहरूका किशोरीहरूलाई एक दिनको निम्ति राजनीति र अन्य क्षेत्रका नेताहरूको जिम्मेवारी सम्हाल्ने अवसर दिइन्छ । यो वर्ष युवतीहरूको निम्ति प्रविधिमा अवसर र डिजिटल क्षमता बढाउने कुरालाई प्राथमिकता दिइएको छ ।

प्रधानमन्त्री बनेकी ती किशोरी आभा मुर्तो जलवायु परिवर्तन र मानव अधिकारसँग सम्बन्धित मुद्धामा पाइला चाल्ने एक सक्रिय अभियन्ता समेत हुन् ।

स्रोत : बीबीसी

सम्बन्धित

अदालतद्वारा थाई प्रधानमन्त्री शिनावात्रा बर्खास्त

भारतको वैष्णो देवी जाने बाटोमा पहिरो, ३२ भक्तजनको मृत्यु

विराटनगरकी सृजा पोखरेल बनिन् एनआरएनए तास्मानिया नारी निकुञ्जको महिला संयोजक

इजरायलले आक्रमण नरोकेसम्म युद्धविराम नहुने इरानको भनाइ