रोशिका अधिकारी/लोकेश पोख्रेल बिहिबार, आश्विन २९, २०७७ मा प्रकाशित
विराटनगर २९ असोज ।
विराटनगरमा सडकमा बेसहारा बनेर कठिन जीवनयापन गरिरहेकाहरुको ठूलो संख्यामा उद्दार गरिएको छ । बिहिवार विराटनगर महानगरका मेयर भीम पराजुलीले विराटनगर ९ स्थित गुद्री आसपास क्षेत्रमा बस्दै आएका १२ जनाको उद्दार गरेका हुन् । सडकमै दिसापिसाब गर्ने र जथाभावि बोल्ने गरेका कारण ती व्यक्तिहरु असुरक्षित समेत बनेका थिए ।
विराटनरका सडकलाई बेसहारा मानवमुक्त बनाउने अभियान अनुरुप सडकपेटीमा बस्दै आएकाहरुको उद्दारमा महानगर लागिरहेको छ । बिहिबार उद्दार गरिएकाहरुलाइ विराटनगर १० मा रहेको मानव सेवाआश्रममा लगिएको छ । यसभन्दा अगाडी विराटनगर महानगरले २० जनाको उद्दार गरिसकेको छ । आज एकै पटक ठूलो समूहमा सडकपेटीमा बस्दै आएकाहरुको उद्दार गरेको हो ।
लागुऔषध प्रयोगकर्ता र घरबार विहिन भएर बेसहारा जीवन बिताइरहेकाहरुको पहिचान सहित बस्ने स्थान समेत छनौट गरिएको छ । लागुऔषध दुव्र्यसनीमा फसेर सडकमै आएकाहरुलाई सुधार गृहमा लगिएको छ । बुधबार उद्दार गरिएका २ जनालाई विराटनगर ३ मा रहेको लिवर्टी नेपालमा लगिएको बताइएको छ ।
उद्दारका क्रममा भेटिएका मेयर पराजुलीले बेसहारा मानिसहरुको अवस्था पहिचान गरी बस्ने स्थानको समेत व्यवस्था गरिएको बताए । उनले यो अभियानलाई थप व्यवस्थित गर्दै निरन्तरता दिने बताए । महानगरले बेसहारा मानिसहरुको व्यवस्थापनका लागि मानवसेवा आश्रमसंग सहकार्य गरी प्रत्येक वर्ष २५ लाख दिने गरेको छ ।
फोटो फिचर :
वर्तमान सरकारले समीक्षा गर्ने कामै गरेको छैन : नारायणकाजी श्रेष्ठ
विराटनगर महानगरद्वारा निःशुल्क अटिज्म सेवा केन्द्र सञ्चालन
विराटनगर महानगरद्वारा जडान गरिएको ट्राफिक लाइटको परीक्षण सुरु
विराटपोष्ट डिजिटल प्रा.लि.
विराटनगर – मोरङ ,नेपाल
कम्पनी दर्ता प्रमाणपत्र नं.:२२७८४३/०७६/०७७
स्थायी लेखा नं.:६०९६५५९५५
सूचना तथा प्रसारण विभाग दर्ता नं:१६६५/०७६/०७७
Email: [email protected]
