Birat Post बिहिबार, कार्तिक ०६, २०७७ मा प्रकाशित

featured photo: Birat Post

विराटनगर ६ कार्तिक ।
दशैंको अबधिमा पीसीआर टेष्ट नगर्ने साथै कोरोना संक्रमितको उपचार नगर्ने सरकारको निर्णयको नेपाली कांग्रेस महानगर समिति विराटनगरले विरोध जनाएको छ । बिहिवार कोशी अस्पताल विराटगरका मेडिकल सुपरीटेण्डेन्ट डा. चुमनलाल दास मार्फत स्वास्थ्य मन्त्रालयलाई काग्रेस महानगरले ज्ञापन पत्र बुझाइएको छ ।

दशैं भरी पीसीआर परिक्षण रोक्ने , कोभिडका बिरामीले शुल्क तिरेर मात्र उपचार पाउने, शव व्यवस्थापन पनि जनता आफैंले गर्नुपर्ने जस्ता निर्णयले आम जनसमुदाय मार्कामा परेको भन्दै कांग्रेस नगरले विरोध जनाएको हो ।  चारैतिर लास बिच्छ्याएर सरकारले दशैं मनाउने तयारी गरेको भन्दै कांग्रेस महानगरले तत्काल जनतालाई राहत मिल्ने कार्यक्रम ल्याउन सरकार संग माग गरेको छ ।

कांग्रेस नगरका कार्यबाहक अध्यक्ष अरुण न्यौपानेले सम्पूर्ण जनता आक्रान्त भएको यस्तो अवस्थामा जनताले नै चुनेर पठाएको सरकार निकम्मा र नालायक भएको बताए । सरकारले गरेका अति गैरजिम्मेवारपूर्ण तथा जनविरोधी निर्णयहरु अविलम्ब फिर्ता हुनुपर्ने, बढि भन्दा बढि आइसोलेसन सेन्टरहरु बनाउनुपर्ने, अस्पतालहरुको क्षमता बढाउनुपर्ने लगायतका माग राख्दै काग्रेस नगर बिरोधमा उत्रेको हो ।
सरकारले गरेका सम्पूर्ण जनविरोधी निर्णय फिर्ता नलिए चाड मनाएर नबस्ने र सरकार विरुद्ध संघर्षका कार्यक्रम घोषणा गर्ने चेतावनी सभापति न्यौपानेले दिएका छन् ।

ज्ञापनपत्र बुझाउने कार्यक्रममा नगर सचिव प्रकाश दाहाल,वडा नम्वर ५ का वडा सभापति विमल राज भण्डारी ,नगर सदस्य केशव रिजाल , मुस्लिम संघ वडा नं ६ का सभापति जावेद इकवाल लगायतको सहभागिता रहेको थियो । यस भन्दा अगाडी पनि आयुसोलेशन सहित अस्पतालमा उचित ब्यवस्थान गर्न माग गर्दै कांग्रेस नगरले प्रमुख जिल्ला अधिकारी मार्फत प्रधानमन्त्रीलाई ज्ञापनपत्र बुझाएको थियो ।

 

सम्बन्धित

सम्पर्क

बिराटपोष्ट  डिजिटल प्रा.लि.

बिराटनगर – मोरङ ,नेपाल
कम्पनी दर्ता प्रमाणपत्र नं.:२२७८४३/०७६/०७७
स्थायी लेखा नं.:६०९६५५९५५
सूचना तथा प्रसारण विभाग दर्ता नं:१६६५/०७६/०७७
Email: [email protected] 

 सम्पादक

प्रतिक्षा खतिवडा

संंवाददाता
रोशिका अधिकारी

सञ्चालक तथा प्रबन्धक निर्देशक

कौशल निरौला

बिज्ञापनका लागि :

९८१२३०६६६०

९८१४३८५२१४

०२१ ४२०१०६

बिराटपोष्ट  डिजिटल प्रा.लि.

बिराटनगर – मोरङ ,नेपाल