अर्जुन खड्का शनिबार, कार्तिक १५, २०७७ मा प्रकाशित
सुनसरी,दुहवी १५ कार्तिक /
सुनसरी स्थित दुहबी नगरपालिकामा बिकासको मुहाननै फुटेको छ । बहुदल पश्चात अहिले सम्मकै अधिक बिकास भएको छ । बिकास निर्माणका कामले द्रुतगतीमा निरन्तरता पाएको छ । दुहबी नगरमा बेद नारायण गच्छदार को उदय भए संगै बिकास निर्माणका काम ले ह्वात्तै उचाइ लिएको हो ।
युवा जोस ,शालिन छबि र बिकास प्रेमि उदाहरणिय युवा नेता गच्छदार को दुहबि प्रतिको स्नेह,त्याग अनि समर्पण अदम्य देखिन्छ । मेयर गच्छदारले दुहबीलाइ नमुना नगरकारुपमा विकास गर्न हरतरहका प्रयासमा जुटेका छन् ।
दुहबीमा ९३ करोडको लागतमा नमुना वाटर पार्क बन्नेक्रममा रहेको छ । ५४ लाखको लागतमा बनेको गुद्री बजार सन्चालनमा ल्याउन लागिएको छ । १२ करोडको लागतमा साप्ताहिक हाटबजार ,कृषि चिस्यान केन्द्र लगायत निर्माणाधिन अबश्थामा रहेका छन् । यस्तै खेलमैदान २० करोड ९२ लाखको लागतमा निर्माणाधिन रहेको छ । नगरप्रमुख आवास योजना अन्तर्गत नमुना बस्ति निर्माण गरि आगामि बर्ष भित्र ८० घर हस्तान्तरण गर्ने लक्ष्य रहेको छ । हाल विद्यमा समस्याकारुपमा रहेको कोरोना संक्रमितहरुको उपचारका लागि क्वारेन्टाइन र सुबिधा सम्पन्न नमुना आइसोलेशन समेत निर्माण गरि सेवा प्रवाह गरिएको छ ।
दुहबी रिङ्गरोड परियोजना अन्तर्गत दुहबी रिङ्गरोडको काम अब केहि महिना भित्रैमा सुरु हुने बताइएको छ । नगर भरि ७ ओटा स्वास्थ्य चौकीहरु निर्माण हुदैछन। दुहबीको भाग्य रेखा बदल्ने बताउदै आएका गच्छदारले युवाहरु संगको कार्यक्रमलाई समेत अगाडी बढाउने बताएका छन् । छाताबेलि हुदै सिमरिया ,तनमुना,पुर्वकुशाहा हुदै दुहबीको कोशी राजमार्ग सम्म जोडिने पक्कि सडक अहिले निर्माणाधिन रहेको छ । ग्रामीण भेगका कृषकहरुको उत्पादन लाइ बजारिकरण गर्न सजिलो बनाउने काममा समेत गच्छदार लागिपरेका छन् ।
नगरवासीहरुले गच्छदारको काम गर्ने शैलिको प्रशंसा गरेका छन् । विकासवादी मेयरमा दर्ज हुन पुगेका गच्छदार दुहबीको विकास ५ बर्ष भित्रमै कायापलट गर्ने बताउछन् । कोरोनाका कारण केही बिकास निर्माणका काममा अबरोध सिर्जना भएको उनको भनाइ छ । विकासका हरेक काम नगरकै समृद्धिका लागि भएको भन्दै गच्छदारले नगरवासीमा सहयोगी भुमिका र सुझावको समेत अपेक्षा गरेका छन् ।
असोज १ गते शोक बिदा दिने सरकारकाे निर्णय
जेनजी आन्दोलनका शहीद परिवारलाई सरकारले १५ लाख दिने
सामाजिक सञ्जाल बन्द गर्ने सरकारको निर्णयविरुद्ध सर्वोच्चमा रिट
विराटपोष्ट डिजिटल प्रा.लि.
विराटनगर – मोरङ ,नेपाल
कम्पनी दर्ता प्रमाणपत्र नं.:२२७८४३/०७६/०७७
स्थायी लेखा नं.:६०९६५५९५५
सूचना तथा प्रसारण विभाग दर्ता नं:१६६५/०७६/०७७
Email: [email protected]
