featured photo: Birat Post

विराटनगर २६ मंसिर ।
पछिल्लो समय नेपाली राजनीति वृत्तमा नेताहरु आर्थिक विचलनमा चिप्लिदैँ गएका छन् । सत्तारुढ दलकै शिर्ष नेताहरु क्रमशः ठूलाठूला आर्थिक लेनदेनका विवादहरुमा देखिन थालेका छन् । प्रधानमन्त्री केपी शर्मा ओलीले शून्य सहनशिलताको सरकार सञ्चालन गरिरहेको दाबी गरिरहँदा सरकारमा सहभागी मन्त्री तथा सरकार सञ्चालनका सहयात्रीहरु नै मोटो रकमको चलखेलमा सहभागी भएका घटनाहरु सार्वजनिक भएका छन् ।

केहिदिन अघि दिवंगत भएका नेकपाका केन्द्रिय सदस्य तथा पूर्वराजदूत कमान सिंह लामा र नेकपाका प्रवक्ता नारायणकाजी श्रेष्ठ बिचको आर्थिक लेनदेनको अडियो तथा भिडियो टेप सार्वजनिक भएसँगै नेपाली राजनीति पुनः आर्थिक अनियमितताका घटनाको आशंका कारण तरङ्गित बनेको छ ।

नेकपाको राजनीतिमा आफूलाइ निष्ठावान र आदर्शवान देखाउने नारायणकाजी श्रेष्ठ कमानसिंह लामा संगको अन्तरसंवादमा नराम्ररी चिप्लिएका छन् । नेताहरुको यसखाले रबैयावाट आम नेपालीमा निराशा समेत छाएको छ । जसको परिणाम सडकमा समेत देखिन थालेको छ ।