featured photo: Birat Post

काठमान्डौ २ पुष ।
अमेरिकाको मिलेनियम च्यालेन्ज कर्पोरेसन एमसीसी भने श्रीलंकाबाट फिर्ता भएको छ। नेपालमा विवादित बनिरहेको विषय श्रीलंकाबाट फिर्ता हुनुलाई विभिन्न कोणवाट बहसको विषय बनेको छ । अमेरिकाको राजधानी वासिङ्गटनमा मंगलबार भएको बोर्ड अफ डाइरेक्टर्सको त्रैमासिक बैठकले श्रीलंकासँगको प्रस्तावित सम्झौतालाई निरन्तरता नदिने निर्णय गरेको हो । श्रीलंकामा एससीसीले ४८ करोड अमेरिकी डलर अनुदान दिने उल्लेख थियो।

एमसीसीले सन् २०१९ अप्रिलमा श्रीलंकालाई पाँचवर्षे कार्यक्रमअन्तर्गत ४८ करोड अमेरिकी डलर दिने जनाए पनि श्रीलंका सरकारले त्यसमा हस्ताक्षर गरेको थिएन। परियोजना सन् २०१६ मै छनौट भए पनि काम भने अघि बढ्न सकेको थिएन । त्यहाँको नयाँ बनेको सरकार र दलहरुले यसको विरोध गरेका कारण एमसीसी फिर्ता भएको छ ।