featured photo: Birat Post

झपा १३ पुस । पूर्वराजा ज्ञानेन्द्र शाह आइतबार पुर्वी नेपाल भ्रमणकाेे सिलसिलामा झापा पुगेका छन् । उनी रानी कोमल शाह र सचिवालय टिम सहित झापा पुगेका हुन् । आइतबार साझ झापाकाे भद्रपुर पुग्दा राजावादीहरूकाे ठूलो समुहले स्वागत गर्नका साथै राजा आउ देश बचाउका नारा लगाएका थिए । हाल उनी दमकमा रहेको हिमालयन रिसोर्टस्थित निवासमा बसेका छन् । झापा बसाइको क्रममा उनले राजावादी संघ संस्थाका प्रतिनिधिसहित विभिन्न दलका नेता कार्यकर्तालाई पनि भेट्ने पूर्व राजा शाहको सचिवालय स्रोतले जानकारी दिएको छ । झापा बसाइको क्रममा उनले केही धार्मिकस्थलको समेत भ्रमण गर्ने छन् । पछिल्लो समय सडकमै राजा चाहियाे भनेर ठूलो संख्यामा मानिसहरू निस्किरहदा पूर्व राजा शाह पनि हाैसिएका छन् ।