लोकेश पोख्रेल सोमबार, पुष २०, २०७७ मा प्रकाशित
विराटनगर २० पुष ।
विराटनगर महानगर क्षेत्रमा पनि कृषिका लागि योग्य जमिन छ होला र भन्ने प्रश्न यदाकदा सुन्न सकिन्छ । कतिलाई विराटनगर बस्ति नै बस्तिको शहर हो भन्ने लाग्दछ । यद्यपी विराटनगरका केही वडाहरु कृषिका लागि उर्वर स्थलमा गनिन्छन् ।
विराटनगर १९ मा रहेको खापटोलमा स्थानिय कृषकहरुको समुहले २२ विगाह क्षेत्रफलमा गहुँ खेती गरेका छन् । विराटनगर महानगरको गहुँपकेट कार्यक्रम अन्तरगत बरियाली कृषक समुहले खेती गरेका हुन् । समुहमा २५ जना किसानहरु रहेका छन् । विजय जातको गहुँ कृषकहरुले लगाएका छन् । खेतीका लागि विराटनगर महानगरको कृषि शाखाले बिउविजन प्रदान गरेको थियो ।
यसका अलावा कृषकहरुलाई विभिन्न कृषि औजार र व्यवस्थापनमा महानगरले सहयोग गरेको छ । सोमवार कृषकहरुले लगाएको गहुँ खेतीको अनुगमन समेत गरिएको छ । महानगरका मेयर भीम पराजुली, कृषि विज्ञ र कर्मचारी सहितको टोलीले स्थलगत निरिक्षण गरेको हो ।
कृषकहरुका आवश्यकता र स्रोत साधनको व्यवस्थापन समेतका विषयमा मेयर पराजुलीले जानकारी लिएका थिए । सोही अवसरमा कृषकहरुद्धारा आयोजित छलफलमा समेत मेयर पराजुली सहभागी भएका थिए । कृषकहरुले गहुँ र धान काट्ने आधुनिक कृषि औजार रिपर उपलब्ध गराइदिन माग गरे बमोजिम महानगरले १० लाख दिने भएको छ ।
यसमा कृषकहरुले समेत १० लाख थप गरी २० लाखको लागतमा कृषि औजार खरिद गर्ने भएका छन् । विराटनगरको १८ र १९ नम्बर वडामा कृषि गर्न योग्य क्षेत्र रहेका छन् । महानगरले यी दुवै क्षेत्रमा कृषिका कार्यक्रमहरु केन्द्रीत गरेको छ भने कृषकहरुका लागि विभिन्न सेवा दिदै आएको कृषि शाखाका प्रमुख खगेश्वर तिम्सिनाले जानकारी दिए ।
शिक्षकहरुमाथी रिसिबी साँध्दै सरकार,आन्दोलनमा सहभागी १५८ शिक्षकको सरूवा
संक्रमणकालीन न्यायसम्बन्धी समानन्तर नागरिक आयोग बनाउने चेतावनी
आज देशका यी स्थानमा चट्याङ्गसहित मध्यम वर्षाको सम्भावना
विराटपोष्ट डिजिटल प्रा.लि.
विराटनगर – मोरङ ,नेपाल
कम्पनी दर्ता प्रमाणपत्र नं.:२२७८४३/०७६/०७७
स्थायी लेखा नं.:६०९६५५९५५
सूचना तथा प्रसारण विभाग दर्ता नं:१६६५/०७६/०७७
Email: [email protected]
