featured photo: Birat Post

काठमान्डौ २२ पुस ।

बर्डफ्लु रोकथाम तथा नियन्त्रणको लागि सरकारले पूर्वतयारी थालेको छ । केहीदिन अगाडी छिमेकी राष्ट्र भारतका केही स्थानमा भारीमात्रामा कुखुरा मरेका थिए । जसमा बर्डफ्लू देखिएको छ। कृषि मन्त्रालयले बर्डफ्लु नियन्त्रणका लागी सीमा क्वारेन्टाइनलाई कडा बनाउन निर्देशन दिएको बताएको छ ।

कृषि मन्त्रालयको विराटनगर, जनकपुर, चितवन, लगायतका स्थानमा प्रयोगशाला छ तर कोभिड परिक्षण गर्ने स्थलमा परिणत भएको छ । जसकै कारण पशु पशुपंक्षीमा लाग्ने रोगको परिक्षण गर्न कठिनाइ भइरहेको मन्त्रालय स्रोतले जनाएको छ । कहिँकतै ठूलो परिमाणमा कुखुरा मरेका छन् भने जानकारी दिन र कुखुरा ओसारपसार गर्दा अनिवार्य रुपमा क्वारेन्टाइन प्रयोग गर्न गराउन पनि मन्त्रालयले आग्रह गरेको छ ।