Birat Post शनिबार, माघ १०, २०७७ मा प्रकाशित
विराटनगर, १० माघ ।
नेपाली कांग्रेसका बरिष्ठ नेता रामचन्द्र पौडेलले प्रधानमन्त्री केपी शर्मा ओलीको कदमलाई नेपाली काङ्ग्रेसले असंवैधानिक भनिसकेकोले यसका विषयमा थप टिप्पणी गरिराख्नु नपर्ने बताएका छन् । नेता पौडेलले राजनीतिक दलका नेताले स्वार्थ भन्दा माथि उठेर देश विकासमा लाग्नु पर्ने सुझाव समेत दिएका छन् । नेकपाका नेताहरुको घर झगडालाइ आधार बनाए संसद विघटन गर्नु न्याय सम्मत नभएको पौडेलले बताए ।
दधिराज सुवेदी पुरस्कार प्रतिष्ठानले विराटनगरमा आयोजना गरेको कार्यक्रममा बोदै पौडेलले नेकपालाई पाँच वर्ष सरकार चलाउ भनेर दिएको जनमतको समेत अपमान गर्दै ओलीले संसद विघटन र निर्वाचनमा जाने निर्णय गर्दा मुलुकमा भ्रष्टाचार र गरिबी बढ्ने तर्क गरे ।
देश अहिले गम्भीर राजनैतिक संकटवाट गुज्री रहेको भन्दै पौडेलले संसद पुनःस्र्थापना हुनु पर्ने कुरामा सवैले प्रयास गर्नुपर्ने बताए ।
यस्तै नेपाली कांग्रेसका केन्द्रीय सदस्य डा.मीनेन्द्र रिजालले प्रतिनिधि सभा विघटनले गर्दा मुलुकमा अन्यौलता छाएको भन्दै संविधान र लोकतन्त्र रक्षाका लागि संघर्ष गर्नु पर्ने विचार व्यक्त गरे । नेपाली काङ्ग्रेसका केन्द्रीय सदस्यद्वय गुरुराज घिमिरे र डा. डीला सङ्ग्रौलाले राजनीतिक विधि र पद्धति अनुसार चल्नु पर्ने बताए । नेपाल कम्युनिस्ट पार्टी(नेकपा) का केन्द्रीय सदस्य महेश रेग्मीले वर्तमान सरकारको लक्ष्य गलत भएकाले राजनीतिक दल र जनता सडकमा आउनु परेको बताए । विराटनगर महानगरपालिकाका प्रमुख भीम पराजुलीले साहित्य र स्रष्टा देशका गहना भएकोले यसको सम्मान गर्नु पर्ने बताए । कार्यक्रममा प्रजातान्त्रिक विचार समाजका अध्यक्ष केदारनरसिंह केसी र देशान्तरका सम्पादक कवीर राणाले साहित्यले समाजलाई नयाँ गति दिने भएकोले यसलाई सम्मान गर्नु पर्नेमा जोड दिए । पुरस्कृत व्यक्तित्वहरु वरिष्ठ पत्रकार हरिहर विरही र कवि विष्णुविभु घिमिरेले साहित्य समाजका ऐना भएकोले यसको माध्यमबाट समाजमा नयाँ आयाम थपिने धारणा राखे ।
कार्यक्रममा दधिराज सुवेदी पुरस्कार प्रतिष्ठान विराटनगरले प्रत्येक वर्ष प्रदान गर्ने रु ५१ हजार राशिको ‘दधिराज सुवेदी राष्ट्रिय भाषा साहित्य पुरस्कार–२०७७’ बाट कवि एवं गीतकार एसपी कोइराला(शङ्कर कोइराला) र सोही पुरस्कार २०७६ बाट वरिष्ठ कवि विष्णुविभु घिमिरेलाई प्रदान गरिएको छ । ‘दधिराज सुवेदी राष्ट्रिय पत्रकारिता पुरस्कार– २०७७’ रु.२५ हजार राशिको पुरस्कार वरिष्ठ पत्रकार हरिहर विरही र गएको वर्ष सोही पुरस्कार वरिष्ठ पत्रकार मोहन भण्डारीलाई प्रदान गरिएको छ ।
न्यायाधीशमाथि मोसो छ्यापेपछिको वीरगञ्ज इजलास : सुरक्षा व्यवस्थामा कडाइ, १४ वटै ‘पिएसओ’ फेरिए
माधव नेपालको सांसद पद निलम्बन भएको सभामुख घिमिरेद्वारा सदनलाई जानकारी
आज यी प्रदेशहरूमा धेरै वर्षाको सम्भावना
विराटपोष्ट डिजिटल प्रा.लि.
विराटनगर – मोरङ ,नेपाल
कम्पनी दर्ता प्रमाणपत्र नं.:२२७८४३/०७६/०७७
स्थायी लेखा नं.:६०९६५५९५५
सूचना तथा प्रसारण विभाग दर्ता नं:१६६५/०७६/०७७
Email: [email protected]
