काठमान्डौं १२ माघ ।
नेकपा ओली समूहका प्रभावशाली नेता ईश्वर पोखरेलले २८ कात्तिकमा दर्ता भएको आरोप पत्र फिर्ता लिन र चुनावमा सहभागी हुन सहमत भए पार्टी एकताको बाटो खुल्न सक्ने बताएका छन् । आगामी २३ गते काठमाडौंमा गर्न लागिएको जनप्रदर्शनबारे जानकारी दिन आयोजित पत्रकार सम्मेलनमा बोल्दै पोखरेलले ती दुइ सर्त मानेमा सहमतिको वातावरण बन्न सक्ने बताए ।
पार्टी अध्यक्षका रुपमा रहेका प्रचण्डले अध्यक्ष ओली माथी लगाएको अभियोग पत्र फिर्ता लिनुपर्छ त्यसो भयो भने वातावरण बन्न सक्छ । प्रचण्डले गरिरहेका कामहरु गलत र अभिव्यक्तिहरु पार्टीको मर्म बिपरित भएकाले सच्चिन पनि पोखरेले आग्रह गरेका छन् ।