featured photo: Birat Post

विराटनगर १३ माघ ।
प्रहरी चौकी डुम्राहाको नव निर्मित कार्यालय भवन, आवास गृह तथा भान्सा घरको उद्घाटन भएको छ ।

कार्यालयको प्राङगणमा मंगलबार भएको एक बिशेष कार्यक्रमका बिच प्रमुख अतिथी १ नम्बर प्रदेश प्रहरी प्रमुख प्रहरी नायव महानिरीक्षक ईश्वर बाबु कार्कीले विधिवत रुपमा समुद्घटान गरेका छन् । प्रहरी चौकी डुम्राहाको २ तले सुविधा सम्पन्न भवन UNOPS को सहयोगमा २ करोडको लागतमा निर्माण सम्पन्न भएको हो ।

भवन समुद्घटान समारोहलाई सम्बोधन गर्दै प्रनामनि कार्कीले भवन आफैमा सबै चिज नभएको प्रस्ट पार्दै नयाँ भवन संग संगै कार्यरत प्रहरी कर्मचारीहरुमा नयाँ सोच र धारणा आउनु पर्ने तथा रुपान्तरण हुनु पर्ने धारणा व्यक्त गरे । सोही अवसरमा प्रमुख अतिथि कार्कीले प्रहरी चौकीलाई निःशुल्क जग्गा उपलब्ध गराउनु हुने जग्गा दाता तथा भवन निर्माण कार्यमा उल्लेखनिय भुमिका निर्वाह गर्ने व्यक्तित्वहरुलाई दोसल्ला ओढाएरसम्मान पत्रले सम्मान समेत गरे ।

कार्यक्रम UNOPS का प्रतिनिधी, स्थानीय जनप्रतिनिधीहरु, सुरक्षा निकायका प्रमुख तथा प्रतिनिधीहरु, नागरीक समाजका प्रतिनिधीहरु, विभिन्न महिला संजाल, संघ संस्थाका प्रमुख तथा प्रतिनिधीहरुका साथै स्थानियवासीहरुको उपस्थिति रहेको थियो ।

सम्बन्धित

देशका यी स्थानमा मेघगर्जन र चट्याङसहित वर्षा

आज पछुतो लागिरहेको छ, सोध्नुपर्थ्यो नि …!

डढेलोको क्षति बढेको बढ्यै छ, सरकार किन यति असंवेदनशील : डा.शेखर कोइराला

जेलमा सडाउने साइबर ब्युरोको चेतावनी पछि युवकले गरे विष सेवन