featured photo: Birat Post

मोरङ १८ माघ ।

मोरङको केराबारी ,लेटाङका जनतालाई स्वच्छ खानेपानि खुवाउने लक्ष्यका साथ शुरु भएको जलकन्या खानेपानि आयोजनामा भ्रष्टाचार भएको खुलेको छ । दीर्घकालीन योजनाका रुपमा शुरु भएको उक्त खानेपानीको उपभोक्ता समितिका अध्यक्ष,कोषाध्यक्ष र खानेपानी तथा सरसफाइ डिभिजन कार्यालय मोरङको मिलेमतोमा भ्रष्टाचार भएको हो ।

२०७५ सालबाट शुरु गरिएको जलकन्या खानेपानीको वितरण र व्यवस्थापनका लागि पहिलो पटक २५ लाख र दोस्रो किस्ताका रुपमा २३ लाख गरी जम्मा ४८ लाख निकासा भइसकेको छ । जसमध्ये १३ लाख ५८ हजार,६ सय ७१ रुपैया हिनामिना भएको लेखा समितिका एक सदस्यले जानकारी दिए । कोलबोटे खोलामा मुख्य ट्याकीं बनाइएको यस खानेपानी आयोजना बाट केराबारी,लेटाङका बिराजे,भालुगैडे,बेलचौरी सम्मका झण्डै ३ सय घरपरिवार लाभान्वित हुने छन् । तर उपभोक्ता समितिका अध्यक्ष विलबहादुर राइ र लक्ष्मीप्रसाद चम्लागाइले यस आयोजना पूर्ण नहुदै भ्रष्टचारमा लिप्त भएका छन् ।

खानेपानी जस्तो काममा समेत यतिको रकम हिनामिना भएको खुलासा भए संगै त्यस स्थानका स्थानिय जनताहरु आक्रोसित बनेका छन् । स्थानिय जनताको लामो संघर्ष पछि यो आयोजना आएको थियो । लामो समय पछि स्वच्छ खानेपानी पिउने आशमा रहेका स्थानियहरु निरास देखिएका छन् ।

सम्बन्धित

हाल देशभर मनसुनी वायुको प्रभाव,कहाँ-कहाँ छ भारी वर्षा ?

प्रदुषणले बसिनसक्नु बनाएको भन्दै अशोक मुरारकाको श्रीराम रिफाइन फ्याक्ट्री अगाडि स्थानियको विरोध प्रदर्शन

कांग्रेस केन्द्रीय सदस्य भीम पराजुलीले उठाए मोटरसाइकलमा कर छुट देखि हिन्दु राष्ट्र सम्मका कुरा

‘नारदमुनि पवित्रादेवी लुईटेल स्मृति कोष’द्वारा पत्रकार विक्रम निरौला सहित ५ जना सम्मानित