featured photo: Birat Post

खोटाङ १९ माघ ।

खोटाङ दिप्रुङचुईचुम्मा-३ रोबलुङ छितापोखरीमा बस्ने ७५ बर्षीया चन्द्र कुमारी मगरको बसको चक्काले किचेर मृत्यु भएको छ ।
आज विहान ८ बजे तिर छितापोखरी रसुवाघाट सहायक सडकखण्डमा ना ५ ख ९०२२ नम्बरको बसमा चढ्ने क्रममा चन्द्र कुमारी चिप्लिएर लड्दा सोही बसको पछाडीको चक्काले किच्दा उनको घटनास्थलमानै मृत्यु भएको जिल्ला प्रहरी कार्यालय खोटाङले जनाएको छ ।
बस चालक सुनसरी बराहाक्षेत्र ४ का ३५ बर्षीय दल बहादुर पौडेल रहेका छन् भने उक्त बस नियन्त्रणमा लिइएको खोटाङ जिल्ला प्रहरी कार्यालयले जानकारी दिएका छन् ।