featured photo: Birat Post

राष्ट्रवादी स्वतन्त्र विद्यार्थी मण्डलको जिल्ला अध्यक्ष र सोही संगठनको केन्द्रीय सदस्य भए संगै राजनीतिमा होमिएका बल्लभ दाहाल एउटा बौद्धिक व्यक्तित्वका रुपमा स्थापित छन् । वि.स. २०१४ सालमा मोरङमा जन्मिएका उनले त्रीभुवन विश्वविद्यालयवाट एम.ए गरेका छन् । शाहीसरकारका पालामा जिल्ला विकास समितिको सभापति २०६२ साल र जिल्ला अनुगमन समितिको संयोजक समेत भएर काम गरिसकेका छन् । ‘‘राप्रपा नेपाल’’ कमल थापाको नेतृत्वको पार्टीको मोरङ जिल्ला अध्यक्ष र केन्द्रीय सदस्य भइसकेका दाहाल पार्टीका अध्यक्ष कमल थापाले बर्तमान संविधानलाई स्विकार्दै पार्टीको भावना विपरित गएका कारण पार्टी परित्याग गरि बसेको बताउछन् । बिद्यार्थीकाल देखिनै नैतिकता,धार्मिकता र राजसंस्थालाई आदर्श मानेर राजनीति गरिरहेको बताउने दाहाल अहिले बिद्वत परिषदको पूर्वाञ्चल संयोजक रहेका छन् । बेला बेलामा हिन्दु राष्ट्र र राजसंस्थाको पक्षमा विराटगरमा सभा,जुलुस र ¥याली गरेर चर्चामा रहेका दाहाल संग विराटपोष्ट डट.कमकी प्रतिनिधि रोशिका अधिकारीले गरेको कुराकानी :

हिन्दु राष्ट्र र राजसंस्था पुनस्थापनाको आन्दोलन गरेर अहिले  तपाई चर्चित हुनुहुन्छ, हिन्दु राष्ट्र र राजसंस्थाको माग कहाँ पुग्यो ?

यी माग यथावत छन् । हामीले पटक-पटक सरकारलाई झकझकाउने काम गरिरहेका छौ । यो कुनै एक व्यक्तिको एजेन्डामा अव सिमित भएन । यो सवै राष्ट्रवादी नेपालीको माग भएर आइसकेको छ । यसका पक्षमा जनमाहोल बनेको छ । दलहरुका गतिविधि प्रति चित्त बुझाउने ठाँउ कमजोर बनिसकेका छन् । देशमा एउटा अडिग रहने शक्ति चाहिने रहेछ भनेर सवैलाई अनुभुति भइरहेको छ । हरेक मागहरुको एउटा समय हुन्छ । त्यो समय आइसकेको छ । नेपाली जनताले घर-घरमा ,टोल-टोलमा बोल्न थालिसकेका छन् । यो जन जनको चाहाना भएकाले हिन्दु राष्ट्र र राजसंस्था अव चाढै आउछ त्यसमा ढुक्क हुनुहोस् ।

हिन्दु राष्ट्र र राजसंस्था चाही किन आवश्यक छ त ? नेपालका दलहरुले मान्लान् र ?

नेपालका दलका कारण ,नेपालीको चाहाना अनुसार यी दुवै कुरा गुमेका हैनन् । यसमा ख्याल गर्नु पर्ने कुरा छ । यहाँ धेरै बिदेशी र पश्चिमा राष्ट्रहरुको चलखेल भयो । यस भुमिलाई रणमैदान बनाउने र प्रयोशालाका रुपमा अगाडी बढाउने योजना थियो । त्यो शक्ति अहिले केही हच्केको अवस्था छ । कारण नेपाली जनताले हिन्दु राष्ट्र र राजसंस्थाका वारेमा बुझ्ने मौका पाए । दलहरुको रवैया बुझ्ने मौका पाए । अव धेरै पानि बगिसकेको छ । नेपालीहरुले बिदेशी खेल र नेताका लिडरहरु कसरी बाचिरहेका छन् भन्ने बुझे भने कार्यकर्ताले पनि आफ्ना नेताको नाडी छामिसके । हिन्दु राष्ट्र सहितको राजसंस्था भए मात्रै नेपाल र नेपालीको अस्थित्व बाच्न सक्छ । संस्कृति,सम्पदा,धर्म,मुल्यमान्यताको संरक्षणनै यी संस्थावाट हुन्छ । अहिले हेर्नु त ,दलका नेताहरुको भाषण । शिष्टता,सभ्यता सम्मान केही छैन । कसैले- कसैलाई आदर गरेको देखिदैन । यसकारण पनि राजसंस्था चाहिन्छ ।

राजसंस्थाले चाहि के गर्छ र यसलाई पुनस्र्थापना गर्नु पर्ने ?

राजा र देश एक अर्काका पुरक हुन् । राजालाई, राजा हुनकै लागि र आफ्ना सन्ततिका लागि समेत देश बेच्न सक्दैनन् । देशमाथी घात गर्न पनि सक्दैनन् । हामी नेता,दलहरुभन्दा राजालार्ई १ हजारगुना माया यो देशको छ । देश नै नरहे राजा रहने कुरा आउदैन । उनका सन्ततीले शाषन गर्ने कुरा आउदैन । नेपाली जनतालाई राजाले न्याय गरेका थिए ,गर्छन् । यो जीवन्त र सत्य इतिहास हो । अरु देशमा जस्तो सोझै राजाको जन्म भएको हैन । नेपाल एकिकरण कर्ताका सन्तान हुन्, नेपालका राजा । यो त नेपाली जनताले बुझेनी अव । अनी त माहोल राजसंस्था र हिन्दुराष्ट्रका पक्षमा बन्यो । यसैले हामिले भनेका छौ ‘‘राजसंस्था विना नेपालीले शान्त संग बाच्न सक्दैनन् पाउदैनन् ।’’

त्यसो भए हिन्दु राष्ट्र र राजा कसले हटाएको जस्तो लाग्छ ?

बिदेशी शक्तिहरुको चहलपहल बढेको छ । वि.स.२०४७ साल देखि देशमा कुनै न कुनै बहानामा राजनैतिक स्थिरता छैन । अशिक्षित जनतालाई द्धन्द्धको भेलमा पारेर केही मानिसहरुले फाइदा लुटिरहेका छन् । मताधिकारको अधिकार समेत दुरुपयोग गराइरहेका छन् । ठूँला भनिएको क्रान्तिका नाममा जनता ठगिएका छन् । वर्तमान कालखण्डमा भारत र चीनको आर्थिक शक्तिकारुपमा अगाडी बढिरहदा नेपाल झन बिदेशीको निशानामा परेको सत्य हो । हिजो पनि वी.पीले मेलमिलापको नीति लिएर आउनु भएकै हो । त्यसको जगमा रहुन्जेल देशमा केही राम्रो भएको थियो । यसकारण देशमा अनेकन तत्व हावी भइरहेको छ । हामी सचेत भयौ र राष्ट्रिय मेलमिलाप गरेर सवै एकठाउँमा भयौ भने देश पनि समृद्ध बन्छ ।

बेला बेलामा जनमत संग्रहको कुरा पनि उठ्छ, यसो भयो भने तपाईहरु मान्नुहुन्छ ?

नेपालमा अहिले निषेधको राजनीति छ । व्यक्ति फाइदाको राजनीतिले देशलाई ठूलो बर्बादीमा धेकेलिसकेको छ । यद्यपी यस्ता कुराहरु आइरहेका छन् । जुन जनमत संग्रहको विषय छ । हिजो यी दलहरुले जनमत संग्रह गरेर राजसंस्था गएको पनि हैन साथै हिन्दुराष्ट्र पनि गएको हैन । यसकारण हामी जनमत संग्रहको पक्षमा छैनौ । यो बिशुद्ध राजनैतिक विषय भएकाले सोही अनुरुप संवोधन हुनुपर्दछ । राजा संग भएको सहमती कार्यान्वयनमा ल्याउनु पर्दछ भन्ने हाम्रो माग हो । यदी त्यसो भएन भने उपयुक्त समयमा आन्दोलनको आधिवेहरी ल्याउछौ । क्षणिक आवेगमा आएर गरेका निर्णले हामी दुःख पाइरहेका छौ । फेरी जनमत संग्रहको कुरा गर्ने हो भने यसले देशमा राजनैति अस्थीरता र संवैधानिक तथा कानूनी जटिलता थपिने छ । हिजो वी.पी कोइरालाले स्विाकार गरेको जनमत संग्रह हिजो आज र भोलीका लागी समेत अनिवार्य छ । निषेधको राजनीतिले थप जटिलता निम्ताउछ । जुन हामी भोगी रहेका छौ । निषेधको राजनितिकै कारण संविधान संकटमा फसेको छ । जुन संविधानको आयु लामो छैन कारण के भन्दा निषेधको राजनीति नै मुख्य हो ।

वर्तमान सरकारको बारेमा केही भन्नु हुन्छकी ,यसका कार्यहरु ठिक छ या छैन ?

सोझै भन्नु पर्दा संविधान अनुपयुक्त भएका कारण सरकार ढलमलमा परेको छ । के गर्ने भन्ने कुरा कसैलाई थाहाँ छैन । जनताको भावना यो संविधानले संवोधन गर्न सक्दैन । यही संविधानलाई आधार मानेर काम गर्न गाह्रो छ । चाहे प्रचण्ड,शेरबहादुर कुनै हुन् । ओलीकै नियती अरुले झन भोग्नु पर्दछ । त्यो समयले देखाउछ । यसर्थ जनता सचेत बन्ने समय आएको छ ।

सम्बन्धित

विद्यालय तहमा विज्ञान बिषय प्रवर्धनको आवश्यकता

नमुना कक्षा बन्दा सिकाइ प्रभावकारी बन्ने

सबैखाले उत्पादनसंग उपभोक्ता जोड्ने एक्स्पो हो : अनिल साह

मैत्रीपूर्ण भलिबल प्रतियोगिताको जितले टिमलाई ऊर्जा प्राप्त भएको छ : घमाल