काठमान्डौं २३ माघ ।
नेपाल कम्युनिष्ट पार्टी (नेकपा)का अध्यक्ष एवम् प्रधानमन्त्री केपी शर्मा ओलीले आफूले नेतृत्व गरेको पार्टी आधिकारिक भएको स्पष्टिकरण दिइरहनु नपर्ने बताएका छन् देशको रक्षा गर्ने, सार्वभौम सत्ता र स्वाधिनता तथा भौगोलक अखण्डताको रक्षा गर्ने पार्टीको नेता भएको भन्दै प्रधानमन्त्री ओलीले यता उता नअलमलिन समेत कार्यकर्तालाई आग्रह गरे ।
पार्टीले काठमाडौंको नारायणहिटी दरबार संग्राहलय अगाडी आयोजना गरेको जनसभालाई सम्बोधन गर्दै ओलीले जनसभामा सहभागीको भिड देखाउँदै आफूले नेतृत्व गरेको पार्टी आधिकारिक भएको दाबी गरे । मूल पार्टी यही हो, जहाँ तपाइँ हामी छौं, यो कम्युनिष्ट पार्टीको मात्रै मूल होइन, देशकै मूल पार्टी हो ओलीले भनेका छन् । लोकतन्त्र ल्याउन सबैभन्दा अहम भूमिका निर्वाह गरेको पार्टी समेत नेकपा नै रहेको ठोकुवा गर्दै अध्यक्ष ओलीले अराजकता मचाउने काम बन्द गर्न आग्रह गरे ।