featured photo: Birat Post

काठमान्डौं ६ फाल्गुन ।

नेपाली कांग्रेसले १४औँ महाधिवेशनको नयाँ कार्यतालिका सार्वजनिक गरेको छ। बुधबार बेलुका पार्टी कार्यालय सानेपामा बसेको केन्द्रीय कार्यसमितिको बैठकले आउँदो भदौ ७ देखि १० गतेसम्म महाधिवेशन गर्ने प्रस्ताव गरेको थियो । सोही अनुरुप नयाँ कार्यतालिका समेत सार्वजनिक गरेको छ ।

विधानत पाँच वर्ष भित्र कांग्रेसले महाधिवेशेन गर्न नसकेपछि संविधानको धारा २६९ ले दिएको थप ६ महिनाको कार्यकाल थप गरेर भदौमा महाधिवेशन गर्ने तयारीमा कांग्रेस पुगेको हो । बुधबार भएको निर्णय अनुसार फागुन २८ गतेभित्र सबै जिल्लाले क्रियाशील सदस्यता नवीकरण तथा नयाँको क्रियाशील सदस्यहरुको टुंगो लगाइसक्नुपर्नेछ । यस्तै असार ७ गतेभित्र केन्द्रीय कार्यसमितिले देशभरबाट आएका क्रियाशिल सदस्यताको छानबिन सहितका काम सकाउने नेपाली कांग्रेस केन्द्रीय सदस्य गगन थापाले जानकारी दिए ।