featured photo: Birat Post

विराटनगर १४ फाल्गुन ।
बैदेशिक रोजगारबाट फर्किएर नेपाल आएकाहरुले सन्जाल गठन तथा क्षमता विकास कार्यक्रम विराटनगरमा सम्पन्न गरेका छन् । सुरक्षित आप्रवासन परियोजना (सामी)को समन्वयात्मक कार्यक्रम संगै वैदेशिक रोजगारबाट फर्किएकाहरु एकिकृत भएका हुन् । बिहिबार र शुक्रबार विराटनगरमा भएको भेलाले सन्तोष लिम्बुको अध्क्षतामा १९ सदस्यीय “आप्रवासी कामदार हकहित संरक्षण केन्द्र ,,गठन गरेका छन् ।

गठित समितिको उपाध्यक्षमा राधिका ढकाल,सचिव नबराज माम्खाली काफ्ले,सहसचिव रंन्जितकुमार महतो र कोषाध्यक्षमा फुलमाया श्रेष्ठ रहेका छन् । क्षमता विकास तथा आप्रवासी हकहित संरक्षणका सवालमा भएको कार्यक्रमका प्रमुख अतिथि विराटनगर महानगरका मेयर भीम पराजुलीले विदेशमा सिकेका राम्रा कुराहरुलाई देश विकासमा लाउन सकिने सुझाएका थिए ।