काठमाडौँ २३ फाल्गुन ।
सर्वोच्च अदालतले रिसी कट्टेलको पार्टी नेकपालाई आधिकारिता दिने फैसला गरेसँगै एकता अघिका साविक नेकपा एमाले र नेकपा माओवादी पुरानै अवस्थामा फर्कने अवस्था पुगेका छन् । आफ्नो पार्टीसँग नाम जुध्नेगरि केपी शर्मा ओली र पुष्पकमल दाहाल नेतृत्वले नेकपा पार्टी निर्वाचन आयोगमा नाम दर्ता गरेपछि त्यसको विरुद्ध कट्टेल सर्वोच्च पुगेका थिए।
सर्वोच्चका न्यायाधिशद्धय बमकुमार श्रेष्ठ र कुमार रेग्मीको संयुक्त इजलासले आइतबार कट्टेलले आयोगमा दर्ता गरेको नेकपा नै आधिकारिक नाम भएको ठहर गरेको छ। सर्वोच्च अदालतको यो फैसलासँगै नेकपाका रुपमा पार्टी एकिकरण भएका तत्कालिन माओवादी र तत्कालिन नेकपा एमालेको बिबाद समेत अन्योलग्रस्त बनेको छ ।