काठमाडौँ २८ फाल्गुन । प्रमुख प्रतिपक्षी दल नेपाली कांग्रेस र चौथो दलकारुपमा रहेको जसपाबीच सरकार बनाउने विषयमा गहन छलफल भएको छ। शुक्रबार देउवा निवासमा जसपाका नेता उपेन्द्र यादव,महन्त ठाकुर तथा कांग्रेसका मुख्य नेता तथा पार्टी सभापति शेरबहादुर देउवा लगायतका पदाधिकारीबीच छलफल भएको बताइएको छ । यसमा एमालेका अध्यक्ष केपी ओली नेतृत्वको सरकारको विकल्प खोज्ने साथै एमाले बाहेकको सरकार बनाउन सकिने बिषयमा छलफल भएको कांग्रेसका एक नेताले जानकारी दिए ।