‘छक्का पन्जा ५’
भीम पराजुली
कौशल निरौला
Birat Post आइतबार, चैत्र ०१, २०७७ मा प्रकाशित
काठमाडौं १ चैत्र ।
तत्कालिन नेकपाबाट मन्त्री बनेकाहरू नेकपा एमालेमै रहने भएका छन् । अदालतको पछिल्लो निर्णय संगै यथावत रहन पुगेको नेकपा (माओवादी केन्द्र )का ६ जनालाई पार्टीले स्पष्टीकरणका लागि दिएको २४ घण्टे म्यादलाई समेत अटेर गरेका छन् । पार्टीबाट मन्त्री बनेर प्रधानमन्त्री केपी ओलीका पक्षमा खुलेका ६ जनालाई माओवादी केन्द्रले शनिवार स्पष्टीकरण सोध्दै सरकारबाट फिर्ता हुन भनेको थियो । तर गृहमन्त्री रामबहादुर थापा, उद्योग मन्त्री लेखराज भट्ट, ऊर्जा मन्त्री टोपबहादुर रायमाझी, खानेपानी मन्त्री मणिचन्द्र थापा, सिँचाइ मन्त्री प्रभु साह, श्रम मन्त्री गौरीशङ्कर चौधरी र खेलकुद मन्त्री दावा लामाले पार्टीले दिएको २४ घण्टा समय भित्र स्पष्टीकरण दिएका छैनन् भने सरकारबाट समेत फिर्ता भएका छैनन् ।
यी मध्ये मन्त्री खानेपानी मन्त्री थापा र लामा सांसद होइनन् भने गृहमन्त्री थापा राष्ट्रियसभा सदस्य हुन् । अन्य मन्त्रीहरू प्रतिनिधि सभाका सांसद हुन् ।उनीहरूलाई दिएको समय भित्र जवाफ नपठाएपछि माओवादी केन्द्रको आइतबार बसेको केन्द्रीय समिति बैठकले कारबाही गर्ने तयारी गरेको हो । सो पार्टीका प्रवक्ता नारायणकाजी श्रेष्ठले कारबाही बारे बैठकमा छलफल भएको तर निर्णय भने नभइसकेको जानकारी दिए । बैठकमा सहभागी एक नेताका अनुसार उनीहरूलाई तत्काल पार्टीमा फिर्ता बोलाउने र नफर्किएमा साधारण सदस्य समेत नरहने गरी कारबाही गर्ने तयारी थालिएको छ ।
प्रधानमन्त्री ओलीले आफू अध्यक्ष रहेको एमालेमा माओवादी केन्द्रका २२ जना नेतालाई केन्द्रीय सदस्य मनोनीत गरेका छन् । उनीहरूमध्ये सङ्घीय संसद् र प्रदेशसभाका गरी १३ जना प्रत्यक्ष निर्वाचित सांसद एमालेको केन्द्रीय कमिटी सदस्यमा मनोनीत भएका छन् ।
राहत एवम् पुनः निर्माण कोष निर्माण गर्न माओवादी कोशी प्रदेशको माग
यस वर्षको मनसुन बाहिरिदै,दसैँ घमाइलो हुने सम्भावना
आश्विन शुक्ल पञ्चमी : स्कन्दमाताको पूजा आराधना गरिँदै
विराटपोष्ट डिजिटल प्रा.लि.
विराटनगर – मोरङ ,नेपाल
कम्पनी दर्ता प्रमाणपत्र नं.:२२७८४३/०७६/०७७
स्थायी लेखा नं.:६०९६५५९५५
सूचना तथा प्रसारण विभाग दर्ता नं:१६६५/०७६/०७७
Email: [email protected]
