लगानी सम्मेलन
Birat Post शुक्रबार, चैत्र १३, २०७७ मा प्रकाशित
विराटनगर १३ चैत्र ।
प्रधानमन्त्री केपी शर्मा ओली नेपालमा औद्योगीक वातावरण बन्दै गएको बताएका छन् । उद्योग संगठन मोरङको नयाँ कार्यसमितिको पदस्थापन तथा ‘‘मेरो देश, मेरै उत्पादन’’ कार्यक्रमको भर्चुअल शुभारम्भ गर्दैै प्रधानमन्त्री ओलीले यस्तो बताएका हुन ।
देशमा अव औद्योगीक वातावरण बनिसक्यो ओलीले भने ‘तिन दशक देखिको हिंसाको माध्यमबाट राजनीति गर्नेलाई सहमतिमा ल्याएका छौ । हिंसा सकिएको छ । औद्योगीक वातावरण अनुकुल बनेको छ ।’ उद्योग संगठन मोरङको अगुवाईमा सुरु भएको ‘मेरो देश,मेरै उत्पादन’ अभियानको भर्चुअल कार्यक्रममा बोल्दै प्रधानमन्त्री ओलीले देश अव आफ्नै उत्पादनमा अगाडी बढ्ने बताए ।
उद्योग संचालनको लागी अनुकुल र मैत्रिपूर्ण वातावरण बनाउन सरकारको प्रमुख दायीत्व हुने र उत्पादनको क्षेत्रमा नयाँ आयामहरुको खोजी गरिने बताए । प्रधानमन्त्री ओलीले उद्योगी व्यापारीहरुका कठीनाई बुदागतरुपमा लेखेर आफुलाई दिन पनि आग्रह गरे । ‘‘मेरो देश,मेरै उत्पादन’’ नितान्त नारामात्र नभएर अवको राष्ट्रिय रणनीति भएको बताए ।
यस्तै प्रधानमन्त्री ओलीले उद्योग संगठन मोरङमा नवनियुक्त अध्यक्ष सुयस प्याकुरेललाई कार्यकालको सफलताको शुभकामना ब्यक्त गरेका थिए भने निवर्तमान अध्यक्ष भीम घिमिरेको कार्यकालमा भएका कामहरुको प्रशंसा गरेका थिए ।
कार्यक्रममा प्रदेश १ मुख्य मन्त्री शेरधन राईले उद्योग संगठन मोरङमा नवनियुक्त अध्यक्ष सुयस प्याकुरेलको कार्यकालको शुभकामना तथा अभियानको सफलताको कामना गरेका थिए । कार्यक्रममा उद्योग संगठनका वर्तमान कार्यसमितिका पदाधिकारीले नवनिर्वाचिन पदाधिकारीलाई आफ्नो पदभार हस्तान्तरण गरेका थिए । यस्तै पूर्व अध्यक्षहरु दिनेश गोल्छा,किशोर प्रधान,नन्दु राठी,मुकेश उपाध्याय ,शिवशंकर अग्रवाल लगायतलाई सम्मान गरिएको थियो ।
आजको मौसम : बङ्गालको खाडी र अरब सागर बाट भित्रिरहेको जलवाष्पयुक्त हावाको समेत प्रभाव
नेपाल भित्रिए एक लाख १६ हजार विदेशी पर्यटक, कुन देशका धेरै ?
षष्टिका वस्नेत सूचनाकाे अधिकार र प्राेत्साहन पुरस्कार बुढाथाेकी र भण्डारीलाई
विराटपोष्ट डिजिटल प्रा.लि.
विराटनगर – मोरङ ,नेपाल
कम्पनी दर्ता प्रमाणपत्र नं.:२२७८४३/०७६/०७७
स्थायी लेखा नं.:६०९६५५९५५
सूचना तथा प्रसारण विभाग दर्ता नं:१६६५/०७६/०७७
Email: [email protected]
