Birat Post मंगलबार, आषाढ २९, २०७८ मा प्रकाशित
विराटनगर,२९ असार।
विराटनगर स्थित बरगाच्छीमा रहेको राष्ट्रिय परिक्षा बोर्ड प्रदेश परिक्षा व्यवस्थापन कार्यालय प्रदेश १ का कर्मचारीका कारण सेवाग्राही विद्यार्थीहरुले सास्ती बेहोर्न बाद्य भएका छन् । समयमा कार्यालय नखोल्ने, स्पष्टरुपमा विद्यार्थीलाई सूचना नदिने, बुझ्न चाहेको विषयमा झन्झट मान्दै जवाफ दिने गरेको सेवाग्राहीहरुले गुनासो गरेका छन् ।
कार्यालयको काम गराइ प्रति प्रत्यक्ष सम्वन्ध राख्ने क्याम्पसहरु समेत खुस देखिएनन् । विद्यार्थी तथा अभिभावका लागि गरिएको झन्जटिलो ब्यवस्थाले प्रदेश राजधानीभन्दा बाहिरका विद्यार्थीहरु मारमा परेका छन् । एउटा सर्टिफिकेट लिन पनि १० दिनको प्रतिक्षा गर्नुपर्ने बाद्यता विद्यार्थीहरुलाई छ । उच्च शिक्षाको लागि तोकिएको प्रदेश १ को मुख्य कार्यालयले सेवा प्रवाहमा सहजीकरण नगर्दा भने बेला बेलामा कार्यालयमा होहल्ला मच्चिने गरेको छ । मंगलबार कार्यालय १०ः३० बजेसम्म पनि नखुले पछि विद्यार्थी तथा अभिभावकहरुले होहल्ला गरेका छन् ।
कार्यालयका प्रमुख डम्बर बतासले कर्मचारी समयमा आउने गरेको दावी गरे । उनले कार्यालयको सेवा प्रवाह गर्ने काउन्टर खुल्नमात्र केही ढिलाइ भएको स्विकारे । प्रमुख वतासले २०६८ साल भन्दा यता परिक्षा दिनेहरुको सर्टिफिकेट प्रदेश कार्यालयबाटै दिइदै आएको र २०६८ साल भन्दा पुराना विद्यार्थीले दिएको मौका परिक्षाको रिजल्ट आउन भने केही समय लाग्ने जानकारी दिए । यता कार्यालयमामा आएका गुनासावारे जानकारी लिन सोही कार्यालयका सूचना अधिकारी दयाराम राइको मोवाइल नम्बर ९८२७३९५४७५ र लेन्डलाइन नम्बर ०२१ ४६२०३५ मा फोन गर्दा दुवै नम्बरमा सम्पर्क हुन सकेन । सूचना अधिकारीको सम्पर्क नम्बरनै नउठ्ने भए पछि कार्यालयले दिने सेवामाथी पनि प्रश्न उठाउने ठाउँ भएको छ ।
रौतहटमा स्कारपियो दुर्घटना हुँदा ८ जनाको मृत्यु, पाँच जना घाइते
सहकारी ठगीमा रवि र छविलाई वीरगञ्जमा बयान लिइँदै
देशभर पश्चिमी वायुको प्रभाव, तराई तथा उपत्यकामा हुस्सु
विराटपोष्ट डिजिटल प्रा.लि.
विराटनगर – मोरङ ,नेपाल
कम्पनी दर्ता प्रमाणपत्र नं.:२२७८४३/०७६/०७७
स्थायी लेखा नं.:६०९६५५९५५
सूचना तथा प्रसारण विभाग दर्ता नं:१६६५/०७६/०७७
Email: [email protected]
