featured photo: Birat Post

भदौ ११, विराटनगर ।
अफगानिस्तानको काबुल विमानस्थल बाहिर भएका तीन श्रृंखलाबद्ध विस्फोटमा मृत्यु हुने बढिरहेका छन् । अमेरिकी पत्रिका वाल स्ट्रिट जर्नलका अनुसार ८० जनाको ज्यान गएको छ । २ सय भन्दा बढी घाइतेमध्ये केही तालिबान लडाकुहरू पनि घाइते भए भने १३ अमेरिकी सैनिकको पनि ज्यान गएको छ ।

अमेरिकी सेन्ट्रल कमान्ड जनरल क्यानेथ म्याकेन्जीका अनुसार इस्लामिक आतंकवादीहरुबाट विष्फोट गराइएको र दारुलअमन इलाकामा भारती गोलीबारी भएको समेत जनाइएको छ । यता अमेरिकी राष्ट्रपति जो बाइडेनले काबुल विमानस्थल बाहिर बम हमला गरिएपनि त्यहाँबाट अमेरिकी तथा अन्य नागरिकको उद्धार कार्य नरोकिने जनाएका छन् ।अमेरिकी कमान्ड जनरल म्याकेन्जीका अनुसार हाल ५ हजार मानिसहरु काबुल एयरपोर्टमा फ्लाइटको पर्खाइमा रहेका छन् ।