featured photo: Birat Post

विराटनगर,१५ भदौ ।
प्रत्येक वर्ष श्रीकृष्ण जन्माष्टमीको भोलिपल्ट विराटनगरमा निकालिने भगवान श्री राधाकृष्णको भव्य रथयात्रा यो वर्ष भने खटयात्राको रुपमा मात्रै सिमित भएको छ ।

कोरोनाका कारण श्रीराधाकृष्णको प्रतिमा खटमा विराजमान गराई गाडीमा राखेर नगर परिक्रमा गरिएको छ । ९०औं संस्करणको राधाकृष्ण रथयात्रा विराटनगरमा आज खटयात्राको रुपमा नगरपरिक्रमा गराइएको छ । विराटनगर महानगरका मेयर भीम पराजुली, श्रीराधाकृष्ण रथयात्रा समारोह समितिका अध्यक्ष बाबुराजा ओझा,पंडित भवानी शंकर निरौलाले शुभसाइतमा पुजाआजा गरे संगै खटयात्राको शुभारम्भ गरिएको थियो ।

यस वर्षको खटयात्रा राधाकृष्ण मन्दिर पानीट्याङ्कीबाट सुरु भई गोल्छा, जलजला, ट्राफिक, रोडशेष, महेन्द्र चोक, भृकुटी चोक, बरगाछी, कञ्चनबारी, राजवंशी र पुष्पलाल चोक,पोखरिया हुदै पुनः मन्दिरमा लगि विशर्जन गरिएको छ ।
वि. सं. १९८८ बाट खट (युगल मूर्तिलाई खाटमा राखेर)को रुपमा शुरु भएको यात्रा २०२५ देखि रथयात्राको रुपमा परिणत भएको थियो । सहज अवस्थाको जस्तो मानिसहरुको भिडभाड यसपटक भएन । बजार क्षेत्रमा केही भक्तजनहरुले परैबाट दर्शन गरेका थिए ।

सम्बन्धित

हाल देशभर मनसुनी वायुको प्रभाव,कहाँ-कहाँ छ भारी वर्षा ?

प्रदुषणले बसिनसक्नु बनाएको भन्दै अशोक मुरारकाको श्रीराम रिफाइन फ्याक्ट्री अगाडि स्थानियको विरोध प्रदर्शन

कांग्रेस केन्द्रीय सदस्य भीम पराजुलीले उठाए मोटरसाइकलमा कर छुट देखि हिन्दु राष्ट्र सम्मका कुरा

‘नारदमुनि पवित्रादेवी लुईटेल स्मृति कोष’द्वारा पत्रकार विक्रम निरौला सहित ५ जना सम्मानित