featured photo: Birat Post

विराटनगर, २८ भदौ ।
आईसीसी विश्वकप क्रिकेट लिग–२ अन्तर्गत त्रिकोणात्मक एक दिवसीय क्रिकेट सिरिज सोमबारदेखि शुरु हुँदैछ । नेपाल, अमेरिका र ओमानबीच ओमानमा सिरिज हुन लागेको हो ।
सोमबारको पहिलो खेलमा नेपालले अमेरिकासँग खेल्देछ । यो खेल नेपाली समयअनुसार अपरान्ह ४ः१५ बजे शुरु हुनेछ । ज्ञानेन्द्र मल्लको कप्तानीमा मैदानमा उत्रने नेपाली टिममा उपकप्तान दिपेन्द्र सिंह ऐरी भने हुने छैनन् । उनी घाइते छन् ।
नेपाल र अमेरिकाबीच निकै नै टक्कर हुँदै आएको छ । लिग–२ अन्तर्गत नै नेपालले यसअघि घरेलु मैदानमा अमेरिकासँग दुई खेल खेल्दा नेपालले दुबै खेल जितेको थियो ।
तर ओमानको मैदानको अवस्था फरक भएकाले खेल प्रतिस्पर्धात्मक हुने कप्तान मल्ल बताउँछन् । सिरिजको अर्को टिम ओमान यसअघिको खेलमा नेपालसँग हावी भएको थियो ।
सन्दीप लामिछानेले दुवै खेलमा गरेर १० विकेट लिएका थिए । उनी फर्ममा छन् । जसले गर्दा नेपालले अमेरिका र ओमानलाई दबाबमा राख्ने अनुमान गर्न सकिन्छ ।
नेपालले दोस्रो खेलमा ओमानसँग मंगलबार प्रतिस्पर्धा गर्नेछ भने तेस्रो खेल अमेरिकासँग शुक्रबार प्रतिस्पर्धा गर्नेछ ।