Birat Post बुधबार, भाद्र ३०, २०७८ मा प्रकाशित
काठमाडौँ, ३० भदौ ।
त्रिभुवन अन्तर्राष्ट्रिय विमानस्थलबाट सुनका गरगहनासहित दुईजना पक्राउ गरिएको छ । विमानस्थल प्रहरीका अनुसार श्री एयरलाइन्सको उडानमार्फत काठमाडौँबाट विराटनगर जान लागेका दुई यात्रुलाई आवश्यक प्रक्रिया नपु¥याई लैजान लागेको सुनका गरगहनासहित नियन्त्रणमा लिइएको हो ।
प्रहरीले कैलालीको बदगोरिया गाउँपालिका– १ घर भएका ३० वर्षीय बोधराज भण्डारी र धनुषाको जनकपुर उपहानगरपालिका– २ घर भएका ४७ वर्षीय मुरारीराज अधिकारीलाई २ करोड २४ लाख ९२ हजार रुपैयाँ बराबरको तीन हजार ३६० ग्राम सुनका गरगहनासहित पक्राउ गरिएको प्रहरीले जनाएको छ ।
प्रहरीका अनुसार विमानस्थलको आन्तरिक उडानतर्फको ह्याण्ड ब्यागेज चेकिङ एरियाको एक्स–रे मेसिनमा चेकजाँच गर्ने क्रममा उनीहरुले लिई आएको व्यागेजमा उक्त सुनका गरगहना भेटिएको थियो ।
आवश्यक प्रक्रिया पुरा नगरी सुनका गरगहना लैजान लागेको अवस्थामा फेला पारिएको हुँदा आवश्यक अनुसन्धान एवं कानुनी कारबाहीको लागि राजस्व अनुसन्धान विभाग पुल्चोक पठाइएको प्रहरीले जनाएको छ ।
एफडी माेटर्सकाे एभी स्कुटी विराटनगरकाे कदमगाच्छीमा लन्च
वास्तु दिवस एवं विश्वकर्मा पूजा पर्व मनाइँदै
सूर्यको हानिकारक किरणबाट बचाउन मद्दत गर्ने ओजोन तहमा सुधार
विराटपोष्ट डिजिटल प्रा.लि.
विराटनगर – मोरङ ,नेपाल
कम्पनी दर्ता प्रमाणपत्र नं.:२२७८४३/०७६/०७७
स्थायी लेखा नं.:६०९६५५९५५
सूचना तथा प्रसारण विभाग दर्ता नं:१६६५/०७६/०७७
Email: [email protected]
