Birat Post सोमबार, आश्विन ३१, २०७९ मा प्रकाशित
विराटनगर,३१ असोज ।
मोरङको रंगेली नगरपालिका-९ बेलचोकका आशिस मुर्मू उपचार खर्च तिर्न नसक्दा झण्डै २ महिना देखि विराट मेडिकल कलेज तथा टिचिङ हस्पिटलमा बन्दी सरह बाँचिरहेका छन् । गोडामा गम्भिर चोट लागेर उनी अस्पतालमा पुगेका थिए । हस्पिटल र फार्मेसीको झण्डै २ लाख रकम तिर्न नसक्दा अस्पतालले बाहिर निस्कन नदिएको बुबा दिलिप मुर्मूले गुनासो पोखेका छन् ।
उपचार खर्च बुझाउन नसकेर अस्पतालमै बन्धक स्थिति निम्तिएपछि मुर्मूले सहयोगको लागि हारगुहार गरिरहेका छन् । ‘मेरो घरमा खाने चामल पनि छैन, घाइते छोरा अस्पतालमा बन्धक बन्यो,’ उनले भने, ‘म कसरी छोरालाई हस्पिटलबाट निकालौ ? मुर्मू अस्पतालको सर्जिकल वेड ७ मा रहेका छन् । उनको घाउ पनि निको हुने चरणमा छ । अर्काको घरमा ज्यालादारी गरेर कमाएको भरमा बाचेका उनले साहु संग ऋण समेत लिएका छन् । एकातीर साहुको ऋण र अर्कातीर अस्पतालमा तिर्नुपर्ने पैसा नहुदा मुर्मू परिवार चिन्तामा डुवेको छ ।
उनलाई रंगेली नगरपालिकाले समेत सहयोग नगरेको गुनासो परिवारको छ । मेयर दिलिप बगडिया संग सहयोगका लागि जादा अभद्र व्यवहार गरेको गुनासो परिवारको छ । सामाजिक क्षेत्रमा काम गर्ने ब्यक्ति भनेर प्रचार गरिएका बगडिया नगरवासीको सुख दु:खमा समेत पछिल्लो समय निष्क्रिय देखिएका छन् । पिडित बनेका मुर्मू परिवारले सहयोगका लागि अपिल गर्दै छोरालाई अस्पतालबाट बाहिर आउने वातावरण बनाइदिन आग्रह गरेका छन् ।
सामाजिक सञ्जाल बन्द गर्ने सरकारको निर्णयविरुद्ध सर्वोच्चमा रिट
झुम्का कारागारमा सयभन्दा बढी कैदी बिरामी,पछिल्लो १२ दिनदेखि देखियो स्वास्थ्य समस्या
दर्ता नभएका २६ सामाजिक सञ्जाल निष्क्रिय पार्न इन्टरनेट सेवा प्रदायकलाई प्राधिकरणको पत्र
विराटपोष्ट डिजिटल प्रा.लि.
विराटनगर – मोरङ ,नेपाल
कम्पनी दर्ता प्रमाणपत्र नं.:२२७८४३/०७६/०७७
स्थायी लेखा नं.:६०९६५५९५५
सूचना तथा प्रसारण विभाग दर्ता नं:१६६५/०७६/०७७
Email: [email protected]
