Birat Post आइतबार, साउन २१, २०८० मा प्रकाशित
विराटनगर,२१ साउन ।
मोरङको हाटखोला– रंगेली हुलाकी सडक निमार्णको माग राख्दै कटहरीका स्थानीय आन्दोलनमा उत्रिएका छन् । चार वर्ष बितिसक्दा पनि हुलाकी सडक निमार्ण पुरा नभएपछि स्थानीयहरु आन्दोलनमा उत्रिएका हुन् । नागरिक संघर्ष समितिको नाममा आन्दोलनको सुरुवात गरिएको छ ।
जिल्ला प्रशासन कार्यालय मोरङ अगाडी सडकमा धर्ना दिन थालिएको हो । धर्नाकार्यक्रमलाई नेपाली काँग्रेस, नेकपा एमाले, माओवादी, जसपा र कटहरी उद्योग वाणिज्य संघले समर्थन गरेको छ । हुलासी सडक समयमै निमार्ण नहुँदा मोरङको रतुवामाई नगरपालिका, सुनवर्षी नगरपालिका, रंगेली नगरपालिका, धनपालथान र कहटरी गाउँपालिका क्षेत्रका स्थानिय मारमा परेका छन् ।
धर्ना कार्यक्रमको समर्थन गर्दै सहभागी भएका नेपाली कांग्रेस केन्द्रीय सदस्य तथा कोशी प्रदेशका प्रदेशसभा सदस्य भीम पराजुलीले सडक समयमै नबन्दा परेको समस्या र सडक छेउका बासिन्दाहरू सडकवाट उडेको धुलोका कारण घरमा बस्ननै असहज भइरहेको बारे सम्वन्धित निकाय मौन वस्न नमिल्ने बताउछन् । उनले आफ्नो निर्वाचन क्षेत्रका जनताले बेहोरिरहेको सास्ती चाढै हल गर्न लागिपर्ने बताए ।
बनाउँदा–बनाउँदैको सडक अलपत्र पारेर ठेकेदारहरु सम्पर्क विहीन बनेका छन् । तीन अर्ब ६० करोड लागतमा ४४ किलोमिटर सडक निर्माणको ठेक्का लिएका निर्माण व्यवसायीले ८० प्रतिशत रकम खर्च गरे पनि भौतिक प्रगति भने ४० प्रतिशत मात्र छ ।
२०७६ सालमा तीन वर्ष भित्र चार लेन सडक निर्माण गर्ने ठेक्का सम्झौता भए पनि म्याद थपेर २०८० साल कार्तिकसम्म पुर्याइएको थियो । तर अहिलेसम्म जम्मा १६ किलोमिटर कालोपत्रे भएको छ ।
भारत-पाकिस्तान द्वन्द्वले सीमा क्षेत्रमा हाई अलर्ट, नेपाली भूमिमा समेत भारतीय निगरानी बढ्दो
अबैध रुपमा बंगलादेशी नागरिक नेपाल आइरहेको खुलासा
विपिन जोशीबारे इजरायली अधिकारीहरूले गरे यस्तो गम्भीर आशंका
विराटपोष्ट डिजिटल प्रा.लि.
विराटनगर – मोरङ ,नेपाल
कम्पनी दर्ता प्रमाणपत्र नं.:२२७८४३/०७६/०७७
स्थायी लेखा नं.:६०९६५५९५५
सूचना तथा प्रसारण विभाग दर्ता नं:१६६५/०७६/०७७
Email: [email protected]
