Birat Post आइतबार, मंसिर २४, २०८० मा प्रकाशित
विराटनगर, २४ मंसिर ।
७५ औं अन्तर्राष्ट्रिय मानवअधिकार दिवसको सन्दर्भ पारेर मानवअधिकार सञ्जाल मोरङले दुईजना मानवअधिकारकर्मीलाई सम्मान गरेको छ । आइतबार विराटनगरमा आयोजित कार्यक्रममा मानवअधिकारका क्षेत्रमा लामो समयदेखि कार्य गरेबापत वरिष्ठ पत्रकार यज्ञ शर्मा र इन्सेककी वाग्मता कट्टेललाई सम्मान गरिएको थियो ।
सञ्जाल मोरङ अध्यक्ष विनोद पोखरेलको अध्यक्षतामा भएको कार्यक्रमलाई सम्बोधन गर्दै मेयर कोइरालाले मानवअधिकारको विश्वव्यापी घोषणापत्र १९४८ डिसेम्बर १० मा प्रतिपादित भएपछि त्यसैको आधारमा धेरै अन्तर्राष्ट्रिय कानुनहरु निर्माण भएको बताउनुभयो । सो घोषणापत्रमा नागरिक तथा राजनैतिक अधिकारहरु र आर्थिक, सामाजिक र सांस्कृतिक अधिकारहरु समेटिएको उहाँको भनाइ थियो ।
नेपालमा संघीय लोकतान्त्रिक गणतान्त्रिक संविधान जारी भएपछि नागरिक तथा राजनैतिक अधिकारहरु धेरै प्राप्त भए पनि आर्थिक, सामाजिक र सांस्कृतिक अधिकारहरु अहिले पनि प्राप्त गर्न आमनेपालीले संघर्ष गरिरहनु परेको मेयर कोइरालाले बताउनुभयो । खान पाउने र लगाउन पाउने अधिकारबाट धेरै नेपाली अझै पनि वञ्चित रहेकाले तीनै तहको सरकार र मानवअधिकारका क्षेत्रमा कार्य गर्ने संघसंस्थाहरुको ध्यान त्यसतर्फ केन्द्रित हुनुपर्नेमा उहाँको जोड दिनुभयो ।
मेयर कोइरालाले भन्नुभयो, “बालविवाह, यौनहिंसा, लैंगिक हिंसा, बढ्दो प्रविधिको प्रयोगका कारण सिर्जित लैंगिक हिंंसा र मानसिक समस्यालाई चुनौतीका रुपमा लिई अगाडि बढ्नुको विकल्प छैन ।” कार्यक्रममा महानगरकी उपमेयर शिल्पा निराला कार्कीसहित गैसस महासंघ कोशी प्रदेश अध्यक्ष लखनलाल मण्डल, मोरङ अध्यक्ष विष्णु शर्मालगायतले शुभकामना मन्तव्य व्यक्त गर्नुभएको थियो ।
शिक्षकहरुमाथी रिसिबी साँध्दै सरकार,आन्दोलनमा सहभागी १५८ शिक्षकको सरूवा
संक्रमणकालीन न्यायसम्बन्धी समानन्तर नागरिक आयोग बनाउने चेतावनी
आज देशका यी स्थानमा चट्याङ्गसहित मध्यम वर्षाको सम्भावना
विराटपोष्ट डिजिटल प्रा.लि.
विराटनगर – मोरङ ,नेपाल
कम्पनी दर्ता प्रमाणपत्र नं.:२२७८४३/०७६/०७७
स्थायी लेखा नं.:६०९६५५९५५
सूचना तथा प्रसारण विभाग दर्ता नं:१६६५/०७६/०७७
Email: [email protected]
