featured photo: Birat Post

विराटनगर ,१ जेठ ।

आज जेठ १ गतेदेखि हप्तामा २ दिन बिदा दिने निर्णय लागू हुँदैछ । हप्तामा दुई दिन बिदा दिन सरकारले राजपत्रमा सूचना समेत प्रकाशन गरीसकेको छ ।
हप्तामा २ दिन बिदा दिने निर्णय जेठको प्रारम्भ देखि नै लागु हुने भएको छ । जेठ १ गते आज आइतबार परेको छ । त्यसैले यस दिन सरकारी कर्मचारीहरू कार्यालय जानु पर्दैन । जेठ २ गते सोमबार बुद्ध जयन्तीको दिन सरकारले त्यसै पनि सार्वजनिक बिदा घोषणा गरेको छ ।

बुद्ध जयन्तीको दिन सार्वजनिक बिदा दिने निर्णय सरकारले पहिले नै गरेको हो । गत शुक्रबार स्थानीय तहको निर्वाचन भएकोले सरकारले बिदा दिएको हो । शुक्रबारदेखि सोमबारसम्म लगातार ४ दिन सरकारी कर्मचारीहरुले बिदाको सुविधा प्रयोग गर्न पाएका छन् ।