featured photo: Birat Post

विराटनगर, ११ असार ।
११ औं राष्ट्रिय बहिरा क्रिकेट प्रतियोगिता विराटनगरमा शुरु भएको छ । विराटनगर स्थित वडा नं.१९ को खेलमैदानमा शुरु भएको उद्घाटन खेलमा काठमाडौं बहिरा क्रिकेट संघ र मोरङ बहिरा क्रिकेट संघ सहभागी भएका छन् ।

१४ गते सम्म हुने खेलमा झापा बहिरा क्रिकेट संघ,मोरङ बहिरा क्रिकेट संघ,सुनसरी बहिरा क्रिकेट संघ ,काठमाडौं बहिरा क्रिकेट संघ ,बाके बहिरा क्रिकेट संघ र दाङ बहिरा क्रिकेट संघ गरी ६ वटा टीम सहभागी हुने छन् ।

राष्ट्रिय बहिरा क्रिकेट संघको आयोजना, सामाजिक विकास मन्त्रालय प्रदेश १ को आर्थिक सहयोग र मोरङ बहिरा क्रिकेट संघ विराटनगरको ब्यवस्थापनमा विराटनगरमा प्रतियोगिता भएको हो ।

सामाजिक विकास मन्त्रालय प्रदेश १ का राज्यमन्त्री विष्णु तुम्बाहाम्फे र सचिव दीर्घराज मैनालीले शनिबार एक कार्यक्रमका बीच उद्घाटन खेलको सुभारम्भ गरेका छन् । कार्यक्रमको संयोजन गरिरहेको राष्ट्रिय बहिरा क्रिकेट संघका अध्यक्ष मोहन तिवारीले कार्यक्रम भव्य बनाउन सवैको सहयोग आबश्यक रहने औल्याएका छन् ।

बहिरा दोभाषे सन्तोषी घिमिरेले बहिराहरुले पनि खेलको माध्यमबाट राष्ट्रिय तथा अन्तराट्रिय पहिचान बनाउन सक्ने बताइन् । विराटनगरमा भइरहेको बहिरा क्रिकेट हेर्न आउन पनि उनले आम क्रिकेट खेलप्रेमीहरुलाई आग्रह गरेकी छन् ।

सम्बन्धित

हाल देशभर मनसुनी वायुको प्रभाव,कहाँ-कहाँ छ भारी वर्षा ?

प्रदुषणले बसिनसक्नु बनाएको भन्दै अशोक मुरारकाको श्रीराम रिफाइन फ्याक्ट्री अगाडि स्थानियको विरोध प्रदर्शन

कांग्रेस केन्द्रीय सदस्य भीम पराजुलीले उठाए मोटरसाइकलमा कर छुट देखि हिन्दु राष्ट्र सम्मका कुरा

‘नारदमुनि पवित्रादेवी लुईटेल स्मृति कोष’द्वारा पत्रकार विक्रम निरौला सहित ५ जना सम्मानित