featured photo: Birat Post

काठमाडौं ,२४ साउन ।

मंगलबार एकैदिन एघार सयको संख्यामा कोरोना भाइरसका संक्रमित थपिएका छन् । स्वास्थ्य तथा जनसंख्या मन्त्रालयले एकैदिन एक हजार ९० संक्रमित थपिएको जनाएको हो ।

२ हजार ९५८ पीसीआर परीक्षणबाट ५६० तथा ३ हजार ३४२ एन्टिजेन परीक्षणबाट ५३० संक्रमित पाइएका हुन् । मात्र ४३८ संक्रमितलाई निको भएको छ । थप दुई जनाको मृत्यु भएको छ । योसँगै मृतकको संख्या ११ हजार ९७४ पुगेको छ ।

सक्रिय संक्रमितको संख्या ५ हजार ८०६ पुगिसकेको छ । उपत्यकामा सक्रिय संक्रमित ह्वात्तै बढेका छन् । काठमाडौंमा ३ हजार ३८ पुगेका छन् । ललितपुरमा ८२९ तथा भक्तपुरमा १०१ पुगेका छन् । २१३ जना संस्थागत आइसोलेसनमा रहेका छन् । आईसीयूमा उपचाररतको संख्या बढेर ६१ पुगेको छ । त्यस्तै भेन्टिलेटरमा रहनेको संख्या बढेर ७ पुगेको छ । योसँगै चौथो लहरले थप समस्यामा पार्ने देखिएको छ । सोही अनुसारको सचेतना भने अपनाएको पाइँदैन ।