featured photo: Birat Post

विराटनगर,२६ असोज ।
पहिलोपटक विराटनगरमा श्रीनिम्बार्क वैष्णव राष्ट्रिय महासम्मेलन हुने भएको छ । सम्मेलनको तयारी स्वरुप विभिन्न चरणका धार्मिक कार्यक्रम हुन थालेका छन् । यही असोज २९ गते देखी ३१ गतेसम्म तीन दिन चल्ने सम्मेलनमा नेपाल र भारतका श्रीनिम्बार्क वैष्णवहरु सहभागी बन्नेछन् । सम्मेलनले समयक्रममा उत्पन्न धार्मिक विषयहरुलाई उठान गर्ने र समस्याको समाधान गर्ने समेत बताइएको छ ।

जगद्गुरु अनन्त श्रीविभूषित श्रीबालसन्त मोहनशरण देवाचार्यले धर्मको रक्षा संगै मानिसमा धार्मिक भाव जगाउन महासंम्मेलन फलदायी हुने विश्वास व्यक्त गर्नु भएको छ । यसै कार्यक्रम अन्तरगत प्रथम सोभा यात्रा बिराटनगरमा मंगलबार सम्पन्न भएको छ । धरान रोड स्थित राधा रमण मन्दिर बाट सुरु भएको शोभा यात्रा तथा मोटरसाईकल र्यालीमा सयौको संख्यामा भक्तजनहरुको सहभागिता रहेको थियो ।

जगद्गुरु बालसन्त मोहनशरण देवाचार्यको उपस्थितीमा ,नेपाली कांग्रेस केन्द्रीय सदस्य भीम पराजुली, आचार्य पं भबानि शंकर निरौला ,राधा रमण मन्दिर समितीका अध्यक्ष शंकर रेग्मी , पान्चाली मन्दिरका पिठाधिस श्री स्वामिजि अच्युत महाराज ,आचार्य श्रीरामानुज नेपाल लगायतको उपस्थितीमा शोभायात्राको सुरवात गरिएको थियो ।

सम्बन्धित

ज्योतिष पोखरेल र पत्रकार सुब्बा सम्मानित

‘इद उल फित्र’ मनाइदै (फोटो फिचर सहित)

आजबाट शुक्र अस्त, के गर्न मिल्ने,के नमिल्ने ?

विराटनगरमा चैत ५ गतेदेखि हुन लागेको रासलीला के हो ? को-को सहभागी हुदैछन् ?