featured photo: Birat Post

विराटनगर ,२८ असोज ।

विराटनगर बसपार्कको एक होटलमा १८ वर्षे युवाको हत्या भएको छ । हत्या हुनेमा सिरहा गोलबजार घर भएका १८ वर्षे अंशु सदा रहेका छन् । सदालाई अपहरण गरेर विराटनगरको न्यू अप्सरा गेष्ट हाउसको कोठा नम्बर १ मा हत्या गरेको प्रहरीले जनाएको छ ।

अपहरणकारीले सदालाई असोज २३ गतेदेखि अपहरण गरेरे उक्त गेष्ट हाउसमा राखेका थिए । १ लाख रुपैयाँ फिरौती नदिँदा उनको हत्या भएको मोरङको प्रहरी प्रमुख एसपी शान्तिराज कोइरालाले बताए । घटनामा संलग्न भएको आशङ्कामा प्रहरीले ३ जनालाई पक्राउ गरेको छ । पक्राउ पर्नेमा धनुषाका विष्णु मण्डल, राजेश ठाकुर र विराटनगरका मनोज कार्की रहेका छन् । घटनाको थप अनुसन्धान भइरहेको प्रहरीले जनाएको छ ।